Dili-Governu, liu husi Sekretáriu Estadu Juventude no Desportu (SEJD), Abrão Saldanha hateten, daudaun ne’e iha programa atu estimula joven sira fila fali ba baze hodi serbisu iha area produtivu sira hanesan agrikultura, peska, turizmu, pekuáriu, inklui area desportivu.
Hateten governante ne’e iha SEJD, Licidere-Tersa (15/12/2020), bainhira halo enkontru ho representante ONU iha TL, Roy Travedy, no representa ajensia international sira iha Tinor Leste.
Tuir governante ne’e katak, objetivu husi enkontru ho representante ONU iha TL ne’e atu fahe programa ne’ebé SEJD iha ba representa ONU iha TL hamutuk ajensia international sira nune’e bele diskute programa sira ne’e antes atu implementa iha tinan oin.
“Diskute uitoan kona ba area sira hanesan joventude no desportu, tanba ne’e ONU iha Timor Leste sira iha komitmentu forte atu apoiu, iha area joventude no desportu”. Hateten governante ne’e.
Nia mós esplika, dadauk ne’e halo hela servibisu ida liu husi parlamentu foinsa’e sira fó halo formasaun edukasaun sivíka, ne’ebé kopera ho ajensia hanesan UNICEF, UNFPA mak apoiu, nune’e mós saúde reproduktivu mós kontinua la’o hela.
Governante ne’e hateten tan, sira hahu diskute hela eskema nasionál ne’ebé la’o hela no serbisu sira seluk hanesan estimula joven sira ne’ebé halo hela peskiza, no ba tinan oin sei iha tan serbisu sira seluk.
Nune’e mós representante ONU iha TL, Roy Travedy afirma, sira nafatin fó apoiu governu TL iha setór ne’ebé de’it, inklui serbisu hamutuk ho SEJD nia programa atu oinsa bele haree potensia joventude sira nian hodi kontribui ba dezenvolvimentu.
“Ami diakute area balun hanesan, agrikultura, oportunidade ekonomia, empregu, edukasaaun, skill dezenvolvimentu, saúde, Bens estar joventude sira nian, Boa governasaun, dezastre, iha area sira ne’e joven nia papel importante atu partisipa ho komunidade sira”.
Nia promete, kada programa sira ne’e sira sei diskute di’ak liu tan ho ajensia internasional sira iha TL, oinsa bele hare dezeñu projetu sira ne’e antes implementa.
Iha enkontru ne’e hetan partisipasaun husi ajensia internasional sira hanesan ILO, UNFPA, UN VOLUNTEER, UNICEF. (Vidal).
About Post Author
