Dili-(Desportu XYZ) governu liu husi Sekretáriu Estadu Juventude no Desportu (SEJD) ho Governu Corea liu husi KOICA halo Lansamentu fatuk dahuluk bá sentru Akademia desportivu hamutuk 4, Becora, kampu Bintang Bidau, Malinamuk Comoro no kampu Alor.
Kompania ne’ebé mak manán kunkursu bá konstrusaun kampu 4 ne’e mai husi kompania Timor oan CHL Industries Timor Leste.
No orsamentu bá kampu 4 refere mai husi KOICA ho montante hamutuk $ 2.4 miloes,enkuantu konstrusaun bá kampu ne’e ho durasaun sei hotu iha 2024 iha fulan Marsu.
Tuir embaixador Corea iha Timor Leste Jonghu Dim haktuir, ha’u orguliho ita bele halo ona Lansamentu ba Centru Akademia Desportiva Becora tanba fatin ne’e sei sai fatin dezenvolvimentu bá labarik kik koan sira iha Timor.
“Governu Corea apoiu ona programa oioin iha Timor Leste liu husi KOICA tanba KOIKA hakarak dezenvolve Desportu hodi hasai saúde labarik nian” dehan Embaixador Corea liu husi nia deskursu iha kampu Futebol Becora sesta (07/10)
Tuir nia, ha’u kontenti tebes tanba projetu ne’e sei kontribui no lori Desportu besik bá komunidade.
“Lansamentu fatuk dahuluk ohin ne’e hanesan ezemplu ida bá relasaun belaterial entre governu Corea ho governu TL iha futuru oin mai”
Nia informa, Moniterizasaun bá projetu sira ne’e, KOIKA serbisu hamutuk ho SEJD atu alkansa objetivu sira ne’ebé ho susesu tanba ha’u espera katak KOIKA ho SEJD sei kopera ho populasaun sira iha suku ida ne’e to’o projetu ne’e remata.
Sorin seluk Menistru Edukasaun Juventude no Desportu (MEJD) Armindu Maia ne’ebé mak reprezenta Premeru Menistru Taur Matan Ruak hateten,inome governu TL nia naran hakarak hato apresiasaun bá governu Corea liu husi KOICA no SEJD ne’ebé serbisu di’ak tebes hodi aselera prosesu ne’e.
“Ha’u kontenti tebes premeru ves KOICA serbisu hamutuk kompania Timor oan tanba konsege manán konkursu hodi hala’o projetu ida ne’e no ha’u fó parabens bá kompania CHL Industries TL” Menistru dehan
Nia sublina, ha’u fiar katak ita bo’ot sira realiza duni mehi ne’ebé mak ita hotu hakarak sai fasilidade ne’ebé mak bele responde bá nesesidade labarik nian hodi dezenvolve Desportu TL.
Iha fatin hanesan SEJD Abrao Saldanha afirma, orsamentu bá kampu 4 ne’e h hamutuk $ 2.4 miloes.
“Kona-ba kampu 4 ne’e,kampu Becora mak fasilidade hanesan dormitorio no kampu tolu seluk sei iha mós fasilidade kompletu la’o ho dormetorio
Governante ne’e haktuir,projetu ne’e sei hotu iha 2024 iha fulan Marsu tuir kontratu ne’ebé mak KOICA halo ho kompania.
SEJD Ho KOICA Halo Lansamentu Fatuk Dahuluk Bá Sentru Akademia Desportiva 4
About Post Author
