Dili-governu liu husi Sekretáriu Estadu Juventude no Desportu (SEJD) iha ona komprimisio hodi hasae tan orsamentu husi dozentus mil (200 mil) bá dozentus quarenta mil (240 mil) atu bele organiza Liga Futebol Timor Leste (LFTL) iha tinan ne’e.
Antes ne’e Federasaun Futebol Timor Leste (FFTL) tau orsamentu 200 mil no SEJD tau 200 mil atu organiza liga Timorense iha tinan ne’e.
Maibé ezijensia klube sira nian kona-ba hasae subsidu,entaun FFTL Tenki husu tan apoiu bá governu liu husi SEJD atu aumenta tan orsamentu balun.
Sekretáriu Estadu Juventude no Desportu Abrao Saldanha haktuir,governu hein katak fulan ida ne’e orgaun LFTL ho FFTL bele intende malu hodi buka solusaun atu bele organiza ona liga Timorense iha tinan ne’e.
“Governu nia komitmentu bá orsamentu sei iha nafatin tanba ami iha ona komprimisio hodi hasae tan orsamentu husi 200 mil bá 240 mil hodi ajuda tan liga atu la’o iha tinan ne’e”afirma Abrao bá jornalista iha SEJD tersa (04/10)
Tuir nia,ha’u rona orgaun LFTL informa ona ba FFTL katak,sira sei halo Asembleia ida hodi hili fali sira nia prezidenti LFTL.
“Ami iha komitmentu bá orsamentu iha nafatin,maibé depende de’it vontande Organizador sira hanesan FFTL ho LFTL”
Entertantu,iha loron 29 fulan Setembru tinan ne’e prezidenti Asembleia jerál ho estrutura orgaun LFTL desidi ona premeru Vice Germano da Silva hodi Subtitui Nilton Gusmao nia fatin.
About Post Author
