DILI-governu liu husi Sekretario Estadu Juventude no Desportu (SEJD) Abrão Saldanha asina akordu ho prezidenti Autoridade Reziaun Administrativa Especial Oecusi Ambenu (RAEOA) Arsenio Paixão Bano konaba inplementasaun programa desportu escolar no desportu komunitario iha RAEOA.
Asina akordo entre SEJD ho Prezidenti RAEOA halao iha edificio ZEESM Farol Dili sesta (10/12)
Tuir Abrão katak,objetivu asina akordo ho naran kontratu inter organiku ida ho prezidenti RAEOA atu ajuda inplementa aktividade ne’ebé mak planeadu iha nasional liu liu aktividade desportu escolar no desportu komunitario.
“ita hotu hatene katak RAEOA kria ho nia lei estatu proprio goza autonomia desinativa de planu finansa,entaun akordu ne’ebé iha bele halo aktividade sira ne’ebé mak ohin asina ona”
Nia haktuir,agradese ba prezidenti Autoridade RAEOA bele desponivel hodi kolabora ho SEJD atu bele inplementa programa hira ne’ebé mak ohin akordu ona.
“orsamentu ba aktividade desportu escolar no desportu komunitario ne’e hamutuk $ 40 mil,maibé laos orsamentu bo’ot kompara ho RAOEA nia orsamentu”
Sorin seluk Prezidenti RAEOA Arsenio Paixão Bano hateten,ami senti kontenti tebes ba SEJD,tanbá bele hanoin ami RAEOA hanesan pretense ba nasaun Republika Demokratika Timor Leste (RDTL).
Tanbá ne’e delegasaun kompetensia serbisu sira ohin akordu ona ne’e,hau hanoin RAEOA sempre pronto ona atu halao,tanbá programa ne’e sei fo benefisio ba labarik eskola sira no ba kumunidade sucu 16 ho mos sub regional 4 iha RAEOA.Arsenio afirma
Iha tempu badak ami sei informa fali ba SEJD kona ba programa sira ne’ebé mak atu inplementa hanesan,desportu escolar ita halo tuir fasilidade ne’ebé iha no mos desportu komunitario ita desidi tuir fasilidade.
“konaba aktividade sira ne’e sei halao iha tempu semana rua nia laran no nia finalidade to’o bainhira,tanbá sei hare ba perparativa husi eskola sira no mos sucu sira”
About Post Author
