DILI- governu liu husi Sekretáriu Estadu Joventude no Desportu (SEJD) aseita ona Organizasaun Persaudaran Setia Hati Terate (PSHT), atu halo seremonia garudusaun sa’e sintu ba membru sira iha de’it TImor Leste tanba sira hetan ona sertidaun rejistu husi notariadu.
Tanba ne’e planu organizasaun PSHT nian sei halo Gradusaun ba membru foun sira iha fulan Agostu tinan ne’e iha Timor.
Secretario Estadu Joventude no Desportu Abrao Saldanha hatete, ohin konvida estrutura organizasaun PSHT mai iha ne’e atu diskuti assuntu balun tanba PSHTesesidade ida urjente atu halo.
aproveita pedidu ida ne’e hodi halo diskusaun ida atu deskute no sosializa ba sira ba segunda diretiva komisaun Regulamentu Arte Marsiais (KRAM ) nian,seguda diretiva ne’e koalia konaba prosedimentu sira eziste fila fali ka loke treinamentu iha rai laran,tanba PSHT hetan ona sertidaun rejistu ne’ebé formalmente eziste ona iha rai laran.
Ne’ebé nesesidade ida tinan tinan kria problema ho publiku mak kruza fronteria ba halo graduasaun,tanba ida ne’e mak SEJD ho KRAM bolu dirijente PSHT para atu hatene sira nia planu ba graduasaun ne’e rasik .
“Oraganizasaun PSHT sira nia planu ne’e sira hakarak halo graduasaun iha fulan Agostu no sira informa ona mai governu,governu aseita ida ne’e,atu nune’e sira bele halo deit graduasaun iha Timor no la presija ba nasaun Indonézia ”tenik,SEJD Abrao ba jornalista sira iha SEJD,Dili ,Tersa (29/03).
Governante ne’e haktuir sira mos informa konaba sira nia preparativus sira, no sira hahu rejistu ona sira nia membru iha fatin sira hotu,no sira mos planu atu halo kongresu iha fulan maiu nia laran,depois kongresu hotu mak sira prepara ba graduasaun.
Iha sorin seluk Prezidente PSHT Baltazar Lemos Seixas hatete, sira husi organizasaun PSHT hasoru SEJD ho prezidente KRAM atu hato sira nia programa konaba kongresu nasional iha Timor Leste no mos atu halo graduasaun ba membru sira,tanba organizasaun taka iha tinan barak nia laran ne’ebé atu halo hikas fali iha fulan agostu nia laran.
“tan ne’e mak hau hato ba ita boot sira,ho tempu ida agora dadauk,hau husu ba membru PSHT tomak ne’ebé mak iha Timor laran tomak sei labele lori membru sira ba rai sorin, maibé hotu hotu sei konsentra deit iha Timor laran”dehan nia.
Nia hatutan konaba membru nain hira mak atu halo graduasaun ne’e agora dadauk sei halo hela dadus. Entretantu partisipa iha inkontru ne’e mak hanesan,Prezidente KRAM,Prezidente PSHT ho nia estrutura inklui Sekretariu Etadu Juventude Desportu.
About Post Author
