Dili- dia 29/09/2022 prezidenti Asembleia jerál no estrutura orgaun Liga Futebol Timor Leste (LFTL) desidi ona premeru Vice Germano A.J.da Silva bá Lidera LFTL hodi Subtitui Nilton Gusmao ne’ebé mak resgna’an ona husi nia kargu prezidenti Liga Timorense.
Prezidenti Asembleia jerál LFTL Miguel Marques Gonsalves Manetelu haktuir,ohin ami deside reuniaun ida ho Meza asembleia jerál ho LFTL hodi rona opiniaun kona-ba karta resignasaun prezidenti ezekutivu Nilton Gusmao,maibé ohin premeru Vice mak la mai.
“Opiniaun ne’ebé ohin mai husi komisaun juridisaun kona-ba dezisaun hodi resposta bá karta resignasaun refere,entaun sira desidi premeru Vice mak Subtitui Nilton Gusmao nia fatin hodi asume kna’ar prezidenti LFTL”tenik prezidenti Asembleia jerál bá jornalista sira iha estadiun munisipal Dili (29/09)
Nia haktuir,tuir estatutu katak, premeru Vice mak bá,maibé ita tenki loke komunikasaun hodi hatene katak,maizumenus nia prontu atu halao serbisu ne’e ho kompotensia ne’e ga lae.
“Iha deskusaun ne’e mós hateten katak,tenki bá duni premeru Vice i depois mak segundu Vice sei apoiu serbisu sira ne’e”dehan Manetelu
Nia sublina,karta nomeasaun sei sai bazea bá pareser juridiku juridisaun liga nian i semana ida ne’e sei delega kopetensia bá premeru vice hodi hala’o serbisu liga nian to’o iha loron 90 tuir estatutu hatete i hodi asembleia estra ordenario tuir mai.
Entertantu,iha inkontru refere Prezidenti Asembleia jerál no orgaun Liga Futebol Timor Leste la ko’alia kona-ba realiza liga tinan ne’e,maibé sira foko liu oinsá mak atu prense fatin mamuk ne’ebé mak prezidente Nilton Gusmao resigna’an.
enkuantu,tuir informasaun katak, premeru Vice agora dadauk ne’e nia kondisaun moras,maibé prezidenti asembleia jerál seidauk simu informasaun refere husi premeru Vice.
About Post Author
