DILI-(Desportu XYZ) iha fulan Dezembru tinan ne’e Sentru Treinamentu Futebol Juvenil Timor-Leste (STFJTL) sei realiza kompetisaun bá jogador U-16 hodi perpara jogador iha jogu CPLP 2024.
Kompetisaun ne’e sei partisipa husi Sentru Treinamentu Futebol Juvenil Díli, Lautem, Baucau, Ermera, Liquisa, Covalima no Bobonaro.
Deritor tekniku STFJTL Agustinho Martins haktuir, Kompitisaun U-16 ne’e sei realiza iha loron 12 fulan dezembru 2022 no partisipa husi munisipiu sei lori jogador nain-18 ho ofisial rua.
“kompetisaun juvenil U-16 ne’e realiza tanba hakarak prepara jogador ba jogu CPLP iha tinan 2024 no tuir lolos jogu juvenil iha munisipiu sira mai direita iha jogu nasional iha fulan novembru, maibe tanba ho atividade barak sira realiza fali bá fulan dezembru” tenik Agustinho bá jornalista iha Bairu Formoza kuarta (30/11)
Nia dehan, jogu juvenil sira sempre realiza kada tinan iha nível rejional no nasional hodi haree jogador juvenil sira mai husi baze tanba ne’e programa governu liu husi SEJD parseria ho SJFJTL
“programa governu liu husi SEJD nian hodi prepara jogador iha nível rejional no nasional ne’ebe jogu munisipiu sira nian ami hala’o hotu tiha ona no iha fulan dezembru ami realiza jogu juvenil iha nasional partisipa husi munisipiu hitu hodi hare jogador munisipiu sira iha kualidade jogu di’ak,sira bele mai ona kompete iha nasional” Agostinho afirma
governu nia programa parseria ho SJFJTL promove jogador juvenil sira husi baze liuliu iha nível suku sira hodi prepara ba futuru.
About Post Author
