Klube Hotu Lakoi Partesipa Iha Liga Epoka 2022

November 29, 2022

846 views

Dili-(Desportu XYZ) klube maioria husi primeiru devizaun hamutuk 9 lakoi Partisipa iha liga Futebol Timor Leste Epoka 2022 tanba klube sira seidauk hetan klarifikasaun kona-ba finansial soport husi Federasaun Futebol Timor Leste FFTL.

Antes ne’e orgaun LFTL fó sai ona bá klube primeiru devizaun no segundu devizaun katak, janela transferensia bá jogador Internasional no nasionál hahu loke iha loron 17 fulan Novembro no sei remata iha 10 fulan Dezembru, maibé to’o agora laiha klube ida mak halo rejistu jogador iha LFTL.

Prezidenti Ponta Leste Osorio Florindo haktuir, ema hotu iha esperansa atu tuir liga ne’e bele la’o tanba laiha klube ida mak hari tha klube la joga iha liga.

“Agora problema ne’e mak FFTL no LFTL bá ko’alia ho Governu mós asuntu nafatin tanba uluk kestaun osan no agora kestaun tempu tanba ne’e ha’u fiar laiha klube ida mak halo transferensia jogador” Afirma Osorio bá jornalista iha Bidau Santana tersa (29/11)

Nia dehan, klube Ponta Leste prontu hela de’it, maibé kestaun bá Ponta Leste mak ne’e laiha klareza orsamentu husi FFTL bá klube sira to’o agora.

“Ami sempre sujere bá LFTL ho FFTL atu ko’alia bá malu hodi konvida klube sira atu esplika orsamentu hira mak realiza liga tanba ami lakoi bá joga tha hein fali osan” dehan Osorio

Nia sublina, klube lakohi joga hotu tha jogador mai sesi osan bá klube tanba jogador nia hanoin dehan klube mak han fali osan ne’e.

Premeru ita hare governu nian orsamentu klaru ona i FFTL tau hira,ho orsamentu ne’e klaru ona ita foin desidi tanba sira dehan (estengah kompetesi) ha’u fiar klube sira agora ne’e laiha Trenamentu.

“Ami klube hotu sujere bá LFTL Ho FFTL katak, liga tinan ne’e muda bá fulan Janeiru 2023 tanba Copa mundiál hotu mak ami foin treinu”

Nia aumenta,uluk osan fixu, Kalendariu fixu,maibé agora buat hotu promesa de’it.

Entertantu, klube premeru devizaun hamutuk 9 hanesan Ad SLB, PontaLeste, Emmanuel, karketu Dili Fc, Portu Taibesi, Aitana Fc, Akademia Fc, Corasaun no Assalam Fc, enkuantu, klube Segundu devizaun mak hanesan, DIT Fc, Kablake Fc, Lika Lika Lemorai, Zebra Fc, Nagardjo Fc, Santa Cruz Fc, Boavista Fc no Fitun Estudante.

Tuir Kalendariu ne’ebé mak LFTL fó sai katak,janela transferensia remata iha loron 10 fulan Dezembru no jogu kick Of hahu iha loron 16 fulan Dezembru 2022.