DILI – Prezidenti Liga Futebol de Timor Leste Nilton Gusmão hatete jogu Taxa 12 Novembro 2020 sei iha subsidu ba klubu sira atu nune’e sira bele hetan reseita hodi sustenta ba jogador hotu.
Tuir Nilton katak jogu taxa 12 Novembru ne’ebè mak partisipa husi klubu 19 hodi halo kompleta taxa refere iha hau nia mandatu hahu Liga Futebol Amadora to mai Liga Futebol de Timor Leste hamutuk tinan 5.
“Iha tinan ne’e la hanesan ho tinan liu ba tanbà taxa 12 agora ne’e sei iha subsidiu ba klubu 19” deklara Nilton ba jornalista iha salaun Xanana Sport Center Segunda (09/11)
Nia reafirma razaun ne’ebè mak LFTL atu fo subsidu ba klubu sira tanbà tinan ne’e liga laiha ba klubu.
Premiu ba kampiaun taxa 12 Novembro sei mantein orsamentu ho montante $ 15.000 sei la muda.
“Hau fo hanoin ba adeptos sira hotu realiza eventu futebol Taxa 12 Novembro hodi relembra fali Asuain Masakre Santa Cruz Juventude sira ne’ebè mak luta ba ita nia rai hodi ukun a’an iha pasadu tinan kotuk”
Fo hanoin katak Taxa 12 Novembro sei abertura iha (13/11) Lalenok United kontra Nagarzo fc iha estadiun munisipal Dili Ors 4:00. (Eug)
About Post Author
