Maliana-(Desportu XYZ) Menistru Juventude Desportu Arte e Cultura (MJDAC) ,Nélyo Isaac Sarmentu husu Juventude sira iha Munisípiu Bobonaru atu respeitu komunidade husi Nusa Tengara Timur (NTT) ne’ebé mak partesipa iha Festival Fronteira 2023.
“Ha’u hakarak hato’o menjajen espesial bá Juven sira iha Munisípiu Bobonaru atu koñese di’ak liu tan ita nia relasaun Timor Leste ho Timor osidental i ho Festival Fronteira Interkambio ida ne’e atu aban bainrua imi bele respeitu no hadomi malu hodi hakribi violensia”dehan Menistru Juventude Desportu Arte e Cultura,iha nia deskursus bá Abertura Festival Fronteira 2023 iha area dores Genajio Maliana kuartu (15/11)
Menistru dehan, ita iha deferensia hanoin, maibé deferensia ne’e ita kadi kakutak i la’ós uza nervozo tanba tempu agora nervozo laiha fatin bá fatin hotu.
Timor tenki hatudu kedas ema Timor tau A’as domin ho fuan nu’udar Pais kristaun hodi hanoin ita nia amo Papa ko’alia ona katak,fraternidade ema ho ema.
“Ha’u fó parabens bá Administradór Munisípiu Bobonaru ho nia povu hotu bele sai uma nain di’ak hodi hatudu ezemplu bá Munisípiu sira seluk.
Entertantu,dansa tradisionál bá Festival Fronteira 2023 mai husi Munisípiu Bobonaru, Munisípiu Covalima,dansa husi Malaka,Belu,Kefa,NTT no husi Timor Leste nian Partesipa husi grupu Sangar St.Antonio, Timor furak,Wehale,Lejival no Fratenal.
Enkuantu Festival Fronteira 2023 ne’e realiza husi Sekretáriu Estadu Arte e Cultura SEAK no Centru Nasionál Chega CNC.
Eventu refere hahu husi loron 15 to’o loron 18 fulan Novembru tinan ne’e.
About Post Author
