DILI – Organizasaun Arte Marsiais Ikatan Keluarga Putra Timor Leste Kerasakti IKS PTL no arte ritual hitu-hitu 77 hasoru malu ho Sekretario Estadu Juventude Desportu (SEJD) hodi koalia kona ba akontesementu ne’ebè mak agora ne’e lao hela Dili laran.
Relasiona ho akontesementu entre arte ritual 77 no IKS PTL iha loron hirak liu ba hodi resulta juven nain rua grave ne’ebè mak viral iha MedSos.
Tuir Sekretariu Estadu Juventude no desportu Abrão Saldania hatete, Objetivu Ohin SEJD halo inkontru ho arte marsiais rua hanesan IKS PTL no arte ritual hitu-hitu (77) hodi koalia kona ba informasaun ne’ebè mak akontese husi arte marsiais rua ne’e mak akontese iha tempu kalan.
“Governu liu husi SEJD husu ba organizasaun rua ne’e oinsa mak buka dalan oinsa atu resolve ba foturu labele akontese hanesan ne’e” relata Abrão ba jornalista iha salaun SEJD sesta (26/03)
Nia informa, lideransa nain rua ne’e mos aprezenta sira nia preokupasaun kona ba saida mak sira nia menbru sira halo konflitu iha tempu kalan hodi buka solusaun hamutuk ho governu atu hadia.
Hanesan governu apela ba organizasaun rua ne’e katak membru sira halo krimi ne’e la lori organizasaun nia naran, tanba ne’e lider organizasaun rua ne’e tenki apelu ba membru hotu katak wainhira halo asaun ruma labele lori organizasaun nia naran aplika krimi.
Saida mak ita atu hare hamutuk kona ba konflitu akontese tinan barak ona iha ita nia rain, tanba ne’e governu liu husi SEJD esforsu hela atu buka solusaun hodi halo dialogu fali ho arte marsiais sira hotu hodi hare ba asuntu estadu nia no publiku hotu nian atu resolve tia problema arte marsiais. tenik nia.
Nia haklaken,governu preokupa ho konflitu ne’ebe mak mosu iha loron hirak liu ba halo governu tenki bolu urjenti lider masimu nain rua IKS no 77 hodi aprezenta razaun saida mak mosu konfrontu.
Maibe lideransa nain rua fo razaun katak sira la orienta membru sira atu konflitu iha trenu, tanba organizasaun ida kuandu hari laos atu hanorin partika krimi. (Eug)
About Post Author
