Dili-Komisaun Regulador Arte Marsiais (KRAM) simu ona lista husi menbru Persaudara Setia Hati Terate (PSHT) hamutuk 8800 ne’ebé sei hala’o Gradusaun hahú iha loron 18 no remata iha loron 21 fulan Agostu tinan ne’e iha Timor Leste.
Prezidenti KRAM Octavio da Consecao deklara,relasiona Gradusaun PSHT nian iha tinan ne’e tanba desde 2020 hahú resistu ha’u hetete bá públiku katak KRAM sei resistu organizasaun PSHT ne’e sei hala’o Gradusaun iha Timor.
“Relasiona ho Gradusaun ida ne’e organizasaun PSHT aprezenta ona lista graduadu ne’ebé KRAM husu hamutuk 8800 ne’ebé mak sei hala’o Gradusaun iha loron 19 fulan Agostu tinan ne’e”dehan Prezdenti KRAM bá jornalista iha SEJD segunda (01/08)
Nia informa, KRAM mós simu ona lista husi Dewan penesahan husi Jakarta Indonézia hamutuk 113 ne’ebé mak sei fó Gradusaun bá menbru PSHT sira.
KRAM mós rekomenda ona bá Polísia Nasionál Timor Leste (PNTL) kona-ba membru PSHT bele halo ona Gradusaun iha Timor tuir dokomentus ne’ebé sira aprezenta.
“KRAM sei la Autoriza membru PSHT sira uza farda husi viazen kada Munisípiu mai fatin konsentrasaun atu halo Gradusaun tanba evita provokasun”
Nia sublina,KRAM Autoriza de’it lista naran bá menbru sira ne’ebé mak sei halo Gradusaun,sira ne’ebé naran la tama iha Gradusaun labele mai tuir,sei kuandu detekta hetan KRAM no PNTL sei halo atuasaun.
Sorin seluk prezidenti PSHT Baltazar Lemos hateten,agora dadaun ami halo hela perparasaun hodi teste Jago bá menbru sira ne’ebé mak atu hala’o Gradusaun.
“PSHT prontu no perparadu ona atu halo Gradusaun bá nia membru sira iha tinan ne’e”
Entertantu, KRAM halo ona kordenasaun serbisu ho organizasaun PSHT hodi fahe ona Gradusaun ne’e por reziaun hanesan Ponta Leste kompostu husi Lautém,Viqueque mai konsentra hotu iha Baucau hanesan uma na’in hodi halo Gradusaun iha loron 19 to’o loron 20 fulan Agostu.
Enkuantu, reziaun sentru Súl sei konsentra iha Munisípiu Manufahi hanesan Aileu,Ainaro no Covalima,no Munisipiu Bobonaro mesak de’it. No Dili kompostu husi Ermera,Liquisa no RAEOA sei konsentra hotu iha Dili.
About Post Author
