DILI-orgaun Liga Fútebol Timor Leste (LFTL) desidi ona katak, jogu ba epoka 2022 sei hahu iha fulan Marsu, tuir dezisaun ne’ebé mak prezidenti LFTL Nilton Gusmão fo sai ona iha loron 7 fulan Janeru foin lalais ne’e.
Deritor Verifikasaun lisensamentu klubu LFTL Jose Carvalho hatete,depois termina jogu iha tinan 2021 no tama fali mai 2022 ami komesa bok a’an ona iha loron 7 fulan Janeru foin lalais ne’e hodi halo inkontru ho prezidenti LFTL atu koalia oinsa mak realiza fali jogu iha tinan ne’e.
“iha premeru inkontru ne’e prezidenti LFTL Nilton Gusmão hatete ho nia honestidade katak ba jogu premeru devizaun tenki halao iha fulan Marsu tinan ne’e no lalika hein prosesu saida mak governu fo mai,maibé liga tenki lao” relata Jose ba jornalista sira iha Xanana Sport Senter sesta (14/01)
Nia haktuir, iha tempu ne’ebá kedas prezidenti LFTL fo ona oreintasaun ba deritor kompitisaun atu perpara orario ba jogu tinan ida ne’e.
Maibé agora lakonas ida ne’ebé mosu ne’e, LFTL hare hela ba prosesu administrasaun ba klubu sira ne’e mos sai hela kauza,tanbá parte Federasaun Fútebol Timor Leste (FFTL) seidauk bele hatan no responde ba kondisaun sira ne’e.
“ho kondisaun sira ne’e sai hela lakonas mai LFTL,tanbá ita hasae orario no loke prosesu resistu,maibé iha hela buat ruma ita seidauk resolve iha kotuk ne’e oinsa. Tanbá klubu sira mos senti todan hela iha prosesu ida ne’e”
Eis futebolista ne’e afirma, mesmu ita hatene prosesu hotu tuir formasaun liu husi Sekretario Estadu Juventude no Desportu (SEJD) fo ona lampu verde katak prosesu transferensia lao,maibé to agora ita hein hela.
Tanbá ne’e ita hein bainhira los mak lakonas sira ne’ebé mak klubu sira hasoru ho FFTL no LFTL,tanbá premeu de jogu to agora seidauk bele halo prosesu no agora seidauk to iha LFTL nia liman. Carvalho hatutan, iha tempu badak LFTL sei halo inkontru ida hodi halo avalisaun ba serbisu hotu iha LFTL nian atu hare diak ne’e iha ne’ebé no sala iha ne’ebé hodi nune’e LFTL tenta atu hadia,tanbá antes kompitisaun hahu buat hotu tenki tau ona iha nia fatin.
About Post Author
 desidi ona katak, jogu ba epoka 2022 sei hahu iha fulan Marsu, tuir dezisaun ne’ebé mak prezidenti LFTL Nilton Gusmão fo sai ona iha loron 7 fulan Janeru foin lalais ne’e.Deritor Verifikasaun lisensamentu klubu LFTL Jose Carvalho hatete,depois termina jogu iha tinan 2021 no tama fali mai 2022 ami komesa bok a’an ona iha loron 7 fulan Janeru foin lalais ne’e hodi halo inkontru ho prezidenti LFTL atu koalia oinsa mak realiza fali jogu iha tinan ne’e.){kind=link}