DILI – Klubu 21 husi segundu divizaun no primeiru devizaun hato’o karta proposta ida hodi propoin ba Federasaun Fútebol Timor-Leste (FFTL), Liga Fútebol Timor Leste (LFTL) no governu liu husi Sekretariu Estadu Juventude no Desportu (SEJD) atu hasai tan subsidu husi $20 mil sai ba $ 40 mil, se lae jogu ne’e muda ba 2022.
Klubu 21 ida ne’e hato’o sira nia ejinjensia hafoin halao inkontru hamutuk ho Sekretariu Jeral FFTL, prezidente LFTL no estrutura tomak iha salaun Xanana Sport Center Sexta (13/08).
Preokupasaun klubu sira nia hato’o deklarasaun husi prezidente klubu Ponta Leste katak, hakarak jogu ne’e la’o iha tinan ne’e, subsidu ba klubu sira tenki altera tia subsidu ida uluk nia, hanesan primeiru divizaun antes $20 mil tenki hasae ba $40 mil no segundu divizaun $10 mil ba $30 mil, karik federasaun no SEJD la amenta husi valor ne’e, klubu sira hakarak jogu hotu muda ba 2022.
Hatan preukupasaun ne’e prezidente Liga Timorense Nilto Gusmao hateten, ho difikuldade ne’ebé mak klubu ezeji, ami aposta ona hodi hein semana oin halo fali enkontru ida ho klubu sira atu klarifika fali jogu la’o ka muda ba tinan oin.
Nia dehan, tinan ne’e klubu sira iha faze difesil tebes ho situasasaun pandemia covid 19 halo situasaun ekonomi rai laran rasik lao la dun diak.
“Ita hotu hatene klubu sira la’os depende deit ba subsidu ne’ebé mak ita fo, maibé sira mos moris ho apoiu husi setor privadu sira no situasaun hanesan hau hanoin sira mos la hetan apoiu husi setor privadu” Nilton afirma.
Signifika klubu sira sei iha difikuldade ekonomika atu pratika fútebol iha ita nia rai, tanbá atividade futebol ne’e mos ezeji finanseira ne’ebé mak bo’ot.
Tanbá ne’e klubu sira nia proposta ne’e ami sei lori ba deskuti hamutuk fali atu nune’e semana oin bele hasoru malu ho klubu sira no saida mak ita halo fali ho klubu sira.
“Karik SEJD no FFTL mak laiha meus atu amenta ba $40 mil, klubu sira hakarak muda jogu ne’e iha tinan oin” .
About Post Author
