Karketu Dili FC Sei La Halo Mudansa Ba Jogador Iha Epoka 2022

Dili-klube ne’ebe sai kampiaun iha epoka 2021 Karketu Dili FC ho naran istimadu Matak malirin sei la halo Mundansa bot ba Jogador anterior Sira tanba tuir Klube nia hare Jogador Sira Diak Hela.

Tuir Kalendario ba janela tranferensia ne’ebe Mak orgaun Liga Futebol Timor Leste (LFTL) Loke ona iha loron 21 Fulan Fevreiru no remata ona iha loron 21 Fulan marsu tinan ne’e.

Sekretario Jeral Karketu Dili FC Elezeu Izaac hatete,ami mos rona informasaun husi LFTL katak janela transferensia hahu ona,maibe Kalendario jogu Sei tentativa Hela no seidauk iha serteza ba data Fixu.

“Atu hatete katak inpresipiu Karketu Dili FC tinan ne’e sei la halo mundansa bot ba ekipa tanba tuir am nia hare ekipa Diak Hela no sei iha Forsa” dehan Elezeu ba desportu xyz Liu husi via Whatsaap Kuarta ne’e.

Nia hatutan, iha Jogador balun Mak Klube sei troka tanba Jogador Sira ne’e atu ba servisu iha estranjeru no balun eskola,entaun Klube amenta no mos hamenus,maibe atu hatete katak laiha Mudansa signifikante ida husi Klube Karketu.

Jogador Sira ne’ebe amenta ne’e bazea ba trenador Nia rekomendasaun.

Maibe to Agora Karketu seidauk halo rekrutamentu ba Jogador Iha janela tranferensia tinan ne’e tanba Ita hotu hatene situasaun politika no liga mos depende ba orsamentu estadu,maibe Ami respeitu tebes orario ne’ebe LFTL fo sai.

“Ami sei akompania situasaun politika,entaun ami Lakoi ansi halo rekrutamentu tanba ami Lakoi Klube Mak atu sai vitima bainhira Horario seidauk Fixu”

Elezeu akresenta,ami halo hela negosiasaun ho Jogador balun iha Klube seluk,maibe hau seidauk bele Publika tanba liga seidauk iha serteza.

Entertantu, orgaun LFTL Loke ona janela transferensia epoka 2022 hahu iha loron 21 Fulan Fevreiru no remata ona iha loron 21 Fulan marsu tinan ne’e,maibe to Agora seidauk iha Klube Ida Mak halo Resistu iha LFTL tanba Klube Sira sei Hein Hela Horario Fixu husi LFTL.

About Post Author