Baucau-(Desportu XYZ) Alumi Parlamentu Foin sa’e Timor Leste (APFTL) realiza Plenaria bá da ruak iha Munisípiu Baucau atu fó kria espasu bá aprende prátika no debate bá asuntu sira ne’ebé mak ligadu ho situasaun Juventude sira nian ohin loron.
Prezidenti APFTL Zaulinu Gomes da Silva hateten,intensaun bá Plenaria ida ne’ebé ita realiza iha Munisípiu Baucau ne’e ita hakarak lori hikas Plenaria ne’e besik liu bá Munisípiu sira tanba durante ne’e hala’o de’it iha nasionál.
“Plenaria bá daruak ne’e atu ko’alia kona-ba Juventude nia problema ligadu ho edukasaun ne’ebé mak durante ne’e Alumi Parlamentu foin sa’e halo fiskalizasaun iha baze” dehan nia bá jornalista iha salaun madre Santa Orsula Baucau kuarta (21/12)
Nia dehan, debate durante loron rua ne’e, sira sei ko’alia kona-ba Juventude nia edukasaun no saúde tanba ita ko’alia kona-ba futuru nasaun nian,entaun ita mós preukupa saúde Juven sira nian.
“Ida seluk mak partesipasaun seviku no oinsá mak Juventude sira nia partesipasaun iha dezenvolvimentu iha munisipiu no postu sira” tenik nia
Tanbasa Tinan ida ne’e bá periudu da ha’at ita hala’o iha Munisípiu Baucau tanba ita ho intensaun ida hakarak lori juven sira halo interasaun sosial husi Munisípiu bá Munisípiu ida.
Antes to’o mai Plenaria Alumi Parlamentu foin sae sira halo ona deskusaun durante loron rua kona-ba dekufikuldade juven sira nian iha Munisípiu ida-ida.
Prezidenti APFTL ne’e sublina, ko’alia kona-ba empregu ita halo oinsá mak juven sira hetan opurtunidade bá serbisu liu husi nia eskil hodi halo serbisu ba nia A’an rasik liu husi Parlamentu foin sae nia programa.
Importánsia husi Plenaria ne’e mak atu produs resolusaun no rekomendasaun bá governu oinsá mak politika governu nian hodi refleta tuir situasaun juven sira nian.
Entertantu,Partesipa iha Plenaria bá daruak iha Munisípiu Baucau ne’e mai husi Munisípiu 14 no kada Munisípiu reprezenta juven feto ida mane ida husi postu administrativu ida no totál ema hamutuk 132,maibé Alumi balun lapartesipa entaun totál hamutuk 89
Enkuantu, orsamentu bá atividade refere apoiu husi Sekretáriu Estadu Juventude no Desportu SEJD hamutuk 40 mil.
Partesipa iha Plenaria ne’e mai husi Adjuntu komandante Polísia Nasionál Timor Leste PNTL Munisípiu Baucau, Veteranos, administradór Munisípiu Baucau no SEJD.
Alumi Parlamentu Foin sa’e Timor Leste (APFTL) realiza Plenaria bá da ruak iha Munisípiu Baucau
About Post Author
 Alumi Parlamentu Foin sa'e Timor Leste (APFTL) realiza Plenaria bá da ruak iha Munisípiu Baucau atu fó kria espasu bá aprende prátika no debate bá asuntu sira ne'ebé mak ligadu ho situasaun Juventude sira nian ohin loron. %%sitename%%){kind=link}