DILI – Jogador defeza liña kotuk Lalenok United FC Julião Mendonca hetan Best Player (Mellor Jogador) hanesan mellor jogador iha copa Federasaun Futebol Timor Leste, hafoin Lalenok halakon Ad SLB 2-1.
Julião hanesan man of the match dala ida iha grupu A wainhira Lalenok United kontra adversariu Zebra FC komisaun FFTL eskoila nia hanesan defeza diak hodi hetan man of the match.
Iha jogu final ekipa Lalenok kontra Ad SLB Julião hatudu performe brillante hodi salva nia ekipa iha liña kotuk iha 90 minutus termina hodi halo Lalenok sai kampiaun copa FFTL 2020.
“Hau kontenti ho mellor jogador iha copa FFTL 2020, maibè jogador Lalenok hotu nia ajuda mak bele hetan Best Player” afirma Julião ba jornalista iha estadiun Café de Ermera Gleno Domingu (25/10).
Nia reafirma mellor jogador iha Copa FFTL hanesan motivasaun ida mai hau atu hadia performa diak liu tan liu husi desplina oras trenu no halo tuir saida mak treinador koalia.
Premiu Best Player hanesan mellor jogador hau didika especial ba familia tomak iha Taibesi no estrutura Lalenok hotu liu-liu ba treinador Simon Elissetche.
Ho premeu ne’ebè mak oferese husi FFTL ba deveza Lalenok montante $1000 no jelera ida. (Eug)
About Post Author
