Dili – Jogador defeza karuk husi klubu terseira divizaun Relay Lalea Fc Joni Filomeno De Jesus senti orgullu bele hamutuk ho ekipa selesaun Nasional sub 19 hodi buka liu tan esperensia husi kolega sira no treinador.
“Hau mai hamutuk ho ekipa selesaun nasional sub 19, tanbá hetan fiar husi ami nia prezidenti Relay Lalea fc no Asosiasaun Fútebol Munisipiu Manatutu hodi haruka hau mai trénu hamutuk ho ekipa sub19 atu buka esperensia” informa Joni ba Desportu.XYZ iha kampu Demokrasia kinta (22/07).
Nia dehan, trénu hamutuk ho ekipa sub 19 foin mak loron tolu, maibé senti toman ona ho kolega jogador sira no adapta ona buat foun balun husi trenador Eduardo Pereira
“Durante involve a‘an iha klubu Relay Lalea Fc iha tinan 2019, hau hanesan defeza karuk no ami mai kompete iha jogu tersera divizaun Liga Futebol Amadora (LFA) momentu nebá la konsege ultrápasa ba segundu divizaun”
Jogador ho idade 19 haktuir katak, seidauk iha serteza atu liu iha selesaun ne’ebé mak treinador sei halo tuir mai, maibé ba hau hakarak fokus nafatin trenu hodi hetan esperensia barak liu tan atu atinji mehi ba foturu.
Fo hanoin deit katak, jogador refere mai husi munisipiu Manatutu postu adminitrador Lalea agora dadaun hela iha kos hudi laran Parte Delta hodi mai halo trenu loloron iha kampu demokrasia.
About Post Author
