Bali – Treinador Selesaun Timor-Leste, Fabio Maciel, konkorda ekipa selesaun nia kualidade ladiak kompara ho ekipa Indonesia. Skuad Garuda favoritu atu sai vensedor iha jogu rua FIFA Matchday.
Selesaun Indonesia sei hasoru Timor-Leste, iha jogu FIFA Matchday iha Estadiu I Wayan Dipta, Gianyar, Bali, iha kalan Kinta (27/1) no Domingu (30/1).
Maciel hein mai ba Timor-Leste. Timor-Leste bele manan se hetan sorte.
“Iha futbol saida deit bele akontese. Maibe hau espera Timor-Leste bele joga ho diak. Mesmu hau hatene Indonesia iha kualidade diak, maibe rezultadu aban seidauk bele halo predisaun,” hateten Maciel, iha konferensia pers antes jogu hasoru ekipa selesaun Indonesia iha Hotel Trans Luxury, Seminyak, Bali, Kwarta (26/1).
“Ami hatene Indonesia ema barak nia favoritu, hau konsiente. Maibe, hau foka liu ba performa. Dalaruma aban Timor-Leste manan hasoru Indonesia ho joga aat”.
“Dalaruma manan ne’e mai, ezemplu ami manan ho golu “bunuh diri”. Hanesan treinador hau la gosta ida ne’e,” hautan treinador hosi Brazil ne’e. (BolaSkor)
About Post Author
