DILI – Federasaun Boxing Amadora Timor Leste (FBATL) sei selebra loron internasional Boxing ne’ebé mak sei monu iha dia 27 Agostu 2021 ho aktividade exebisaun jogu Boxing.
Tuir diretor ezekutivu FBATL Janio Tilman hateten, FBATL agora koko atu reorganiza aan fila fali ho ita nia senior sira ne’ebé mak uluk tau matan ba federasaun ida ne’e no depois de kongresu 2018 mai ita hasoru tia krezi bo’ot ida hanesan moras pandemia covid 19 no impase politiku halo atividade hotu sai paradu.
Ho nune’e iha dia 20 fulan setembro 2020 ita koko kontaktu ho organizasaun internasional rua importante iha boxing nian maka hanesan AIBA’s no mos AIBA no ita hetan kontaktu diak tebes.
Tama mai iha 2021 ita konsege hetan konvite ofisial ida husi AIBA nian liu-liu sekretariu jeral Istvan Kovacs husi Rusia ho prezidente foun ne’ebé mak foin eleitu husu ba federasaun Boxing hotu iha mundu atu selebra loron internasional Boxing nian iha 27 Agostu tinan ne’e.
Tanbá ne’e iha Timor-Leste ita hanoin atu organiza jogu ruma atu selebra loron internasional Boxing nian ho kategoria mak ita hakarak halo hanesan primeiru publisidade ba publiku konaba existensia FBATL nian ba estrutura tomak.
“Depois de publisidade ita mos sei exebisaun signifika jogu simples deit hanesan boxista ida hasoru seluk to ronde tolu termina, ne’e mak bolu exebisaun” relata Janio ba jornalista iha press conference ne’ebé halao iha Benfica, Segunda (23/08).
Nia infroma, kompetisaun ne’e sei organiza iha loron 27 fulan Agostu, fatin iha edefisiu Sekretariu Estadu Juvntude no Desportu (SEJD).
Maibe jogu exebisaun ida ne’e sei faze diskusaun nia laran, tanbá situasaun pandemia covid 19 no mai ho variante Delta nian halo preparasaun sira ne’e iha diskusaun nia laran.
Exebisaun ba jogu ne’e hakarak realiza duni iha dia 26 no 27, maibé ami nia ekipa sei hasoru malu ho SEJD hodi bele halo akompanamentu ba situasaun pandemia ne’ebé mak akontese iha ita nia rain.
About Post Author
