MANUFAHI – Relasiona ho komemorasaun loron mundial juventude nian ne’ebé mak monu iha loron 12 fulan Agostu tinan nee, estudante hamutuk nain 9 husi eskola hamutuk 6 Iha munisipiu Manufahi partisipa kompetisaun, diskursu publiku uza lian Portuges no Ingles.
“Ami hanoin katak diskursu publiku neebe mak ami realiza ba loron ohin ninia objetivu mak atu selebra loron 12 de Agostu hanesan loron mundial joven nian, neebe mak sei halao iha munisipu Manufahi”afirma prezidenti komisaun organizadora Carmo da Costa ba jornalista iha manufahi 10-08
Nia dehan kompetisaun ne’e realiza ba eskola sekundaria no Katolika sira ne’ebé mak eziste iha munisipu Manufahi hodi komvida sira atu partisipa iha kompetisaun ne’e i utiliza lian Portuges ho Ingles, iha eskola sekundaria 8, maibe 6 deit mak partisipa no ema neebe mak partisipa iha diskursu publiku nee ba Ingles ema nain 3, lingua portugues nain 6.
Kona-ba sira nia premiu hahu husi primeiru,segundu no treseriu nee sei anunsia iha loron bain rua,maibe premiu ba ekipa konkorente sira,ita prepara osan ba manan nain, sira primeiru lugar nee sei hetan $130 segundu $80 no treseriu $60 dolar.
Kompetisaun nee rasik realiza durante loron ida deit hahu husi dader too meiudia ,maibe komisaun laos iha diskursu nee deit mos iha programa seluk neebe mak sei realiza iha dia 11 no 12 agora.
Sorin seluk Sekretario Estadu Juventude Desportu Abrão Saldanha inoforma, Husi diskursu nee parte ba komemorasaun loron internasional juventude, iha pakote lubuk ida mak diskursu publiku nee ba estudante sira, nee atu dezenvolve estudante sira nia oratoriu no analiza kritika.
“Atividade aban no bainrua nian konaba exposizaun tein hahan tradisional no komemorasaun loron internasional juventude ba tinan ida nee nia tema nee mak mundu rekoinese joven sira nia kapasidade no inovasaun iha sistema hahan nian atu salva mundu no planeta” tenik Abrao.
Governante nee dehan iha lokal komisaun sira organiza exposizaun atu haree oinsa mak grupu sira preparasaun hahan no atividade animasaun sira iha nee.
About Post Author
