DILI-(Desportu XYZ) Asosiasaun 10 ho klube 23 hili Januario da Silva sai Prezidente Federasaun Boxing Amadora Timor Leste (FBATL) liu husi pakote uniku iha asembleia jerál bá dala lima ne’ebé mak hala’o iha salaun Comite Olimpicu Nasionál Timor Leste (CONTL) sesta (13/01)
No nia mandatu hakarak buka trenador internasional hodi fó treinu bá atleta nasionál sira.
Rekorda fali katak, asembleia jerál FBATL nian bá da lima ne’e atu hili fali prezidenti foun ida hodi subtitui Abrao ne’ebé mak rejigna a’an ona iha fulan kotuk.
Prezidenti Eleitu FBATL Januari da Silva hateten, ha’u Eleitu ona ba prezidenti Boxing bá periudu 2023 – 2027 tanba konfiansa mai husi Asosiasaun no klube sira.
“Agora ha’u nia mandatu durante tinan 4 ne’e ha’u buka meus hakarak halo buat balun hanesan estrutura tuan sira halo ne’e, maibé ha’u sei halo di’ak liu tan ida ne’e tanba tarjetu ha’u nian mak tenki buka trenador internasional bá treinu atleta sira” tenik prezidenti Eleitu bá jornalista sira iha CONTL sesta (13/01)
Nia afirma, Bá ha’u mak ne’e prezidenti ida uluk rejigna a’an ne’e mós halo ona Buat balun iha tinan 4 liu bá tanba ha’u labele dehan sira la halo tanba sira nia mandatu tinan rua ne’e hasoru hela covid.
“Durante sira nia mandatu durante tinan 4 ne’e sira konsege lori atleta hetan medalia per ungu iha Felipina no ikus liu mak medalia perak ida no per ungu ida Vietname”
Nia deklara, mandatu ha’u nian ida agora ne’e ha’u serbisu hamutuk hodi lori trenador internasional.
Programa ida mak ne’e, ita labele hein los de’it orsamentu husi governu,maibé ita tenki buka meus oinsá hodi buka patrosinador barak husi emprezario sira.
Sikun seluk, reprezentante Asosiasaun Boxing Munisípiu Lautém Novensio do Carmo informa, husi Asembleia jerál ne’e agredese tebes tanba durante tinan hira nia laran realiza fali.
“Ami husu bá estrutura foun ida agora ne’e atu hadia di’ak liu tan bá futuru tanba ezentensia Federasaun ladún maximu bá nesesidade baziku no mós kondisaun sede Federasaun nian” nia afirma
Asosiasaun Munisípiu sira barak mak laiha sede tanba wainhira Asosiasaun munisipal sira hasoru malu liu husi kontaktu de’it, tanba ne’e ha’u sujere bá estrutura foun agora ne’e tenki buka ona sede ba ami.
Entertantu, estrutura bá mandatu periudu 2023-2027 mak hanesan prezidente Januari da Silva Baretu, Vice prezidenti Joao José Fernandes, segundu Vice Lausi, Sekretáriu Jerál Rogerio Amaral Soares,Vice Sekretáriu Jerál Nelson Talise no Sekretária Sandra Savier.
About Post Author
 Asosiasaun 10 ho klube 23 hili Januario da Silva sai Prezidente Federasaun Boxing Amadora Timor Leste (FBATL) liu husi pakote uniku iha asembleia jerál bá dala lima ne'ebé mak hala'o iha salaun Comite Olimpicu Nasionál Timor Leste (CONTL) sesta (13/01).Rekorda fali katak, asembleia jerál FBATL nian bá da lima ne'e atu hili fali prezidenti foun ida hodi subtitui Abrao ne'ebé mak rejigna a'an ona iha fulan kotuk. %%title%%){kind=link}