Dili-(Desportu XYZ) Comfederasaun Desportu Timor Leste CDTL realiza Workshop daruak kona-ba saude no Seinsia Desportiva bá trenador ho Atelata sira iha salaun fundasaun oreinte Bidau sesta (25/11)
Objetivu husi Workshop ne’e atu hasai abilidade no konesementu bá Trenador ho atleta sira kona-ba saúde no Seinsia Desportiva.
Prezidenti CDTL Macario Sanches haktuir, Workshop bá daruak ne’e importante bá atleta no trenador sira hodi hasae konesementu kona-ba hahán atu konsumu bá sira nia Trenamentu lolorlon.
“Tanbasa mak ita iha ne’e,CDTL desde inisiu hakarak hakbit reforsa no hametin organizasaun Desportiva para iha kapasidade atu jere sira nia organizasaun”dehan Macario iha salaun fundasaun oreinte sesta loraik
Nia hateten,CDTL mós hakarak eleba konesementu bá trenador sira iha sira nia Federasaun laran no konesementu tekniku bá Atelata sira hotu.
“Sei iha koñesementu di’ak bá atleta Klube no Asosiasaun sira,entaun Federasaun bele dezenvolve di’ak liu tan” dehan nia
Nia sublina, ema barak preukupa tebes kona-ba atleta sira ne’e ita atu lori bá ne’ebé no hetan medalia ita tau bá ne’ebé,maibé sira atu hetan medalia ruma sira ne’e lases husi konesementu ne’ebé mak ita aprende tanba ita treinu oras ida ga rua hanesan ne’e saida mak ita gasta bá nutrisaun atleta sira nian hodi koko ita nia fesiku.
Tanba Workshop ne’e atu lori ita hatene hahán saida mak ita konsumu no aimoruk saida mak ita labele konsumu tanba ne’e mak ita serbisu hamutuk ho Sekretáriu Estadu Juventude no Desportu SEJD atu partiliha informasaun sira hanesan ne’e.
Prezidenti CDTL ne’e afirma, sei de’it mak hakarak sai atleta no trenador pelumenus tenki iha koñesementu baziku tanba ne’e mak ita kontinua fó formasaun ida ne’e.
“Ha’u fó ezemplu ida, ha fulan kotuk ita hetan notifikasau husi Guada katak, modalidade Buldu Beldin tama kategoria risku bá dopin, entaun sira sira hasae notifikasaun bá modalidade refere labele tuir eventu Olimpicu”
Tanba hahán ne’ebé ita hahán no aimoruk ne’ebé ita konsumu nia efeitu ne’e halai liu bá dopin.
Entertantu, orador iha Workshop ne’e mak, eis prezidenti CDTL Afrainu Xavier lori materia kona-ba papel trenador no atleta iha prosesu Trenamentu, orador segundu husi Dotor Bonifasio kona-ba Nutrisaun no orador terseru husi Fernando António da Costa ho matéria dopin.
Enkuantu, Marka prezensa iha Workshop ne’e mai husi atleta no trenador sira husi Federasaun 35.
About Post Author
