CDTL Realiza Simpoziu Nasionál Desportu 2022 bá Federasaun 35

November 18, 2022

177 views

Dili-(Desportu XYZ) Confederasaun Desportu Timor Leste (CDTL) realiza Simpoziun Nasionál Desportu 2022 bá Federasaun 35 iha Timor Plaza sesta (18/11).

Tema bá Simpoziun Nasionál Desportu 2022 bá dahuluk mak Desportu Pasadu i prezente bá futuru.

Prezidenti CDTL Macario Sanches haktuir, CDTL desde inisio ita restaura independensia ita foin realiza Simpoziu nasionál Desportu bá dahuluk atu ita bele akompania rona polítika sira nia hanoin no pensamentu politik sira oinsá bele hamutuk hodi dezenvolvementu Federasaun Desportu iha ita nia rai.

“Simpoziu nasionál Desportu ne’e sei halai liu bá tetu no deskuti kona-ba oinsá hamutuk atu promove Federasaun sira hodi hakbit jestaun ne’ebé di’ak bá Federasaun sira” nia afirma iha Timor sesta (18/11)

Tanbasa mak ita iha ne’e, Simpoziu realiza atu hametin ezistensia CDTL hodi kontinua hakbesik modalidade sira bá públiku hanesan ohin dader ami hatudu ona modalidade ida ida bá públiku hodi nune’e bele reprezenta nasaun Timor-Leste iha eventu internasional.

“Ami mós hakarak rona prátikante akademika sira oinsá atu hatene problema no dazafiu bá Desportu iha Pasadu i prezente no iha futuru”

Nia dehan, Simpoziu ida ne’e atu lori ita hodi hanoin hamutuk oinsá atu lori Timor Leste bá prestassun ida ne’ebé di’ak liu.

Iha tinan hirak liu ba bá,ita nia modalidade lubuk ida hatudu ona prestassun iha nivel Ásia nian.

Entertantu, Sekretáriu Estadu Juventude no Desportu Abrao Saldanha hateten, Simpoziu ida ne’e ita atu halibur fali ideia sira ne’e oinsá bele dezenvolve Desportu iha ita nia rai.

“Tinan 20 ne’e sufisiente ita halo balansu ida kona-ba ita nia progresu dezenvolve Desportu nian”

Governante ne’e komenta, CDTL foti tema katak, Desportu iha Pasadu i prezente bá futuru,Pasadu iha Indonézia nia tempu ema hotu hatene atleta balun mós hatudu prestassun di’ak iha momentu ne’ebá.

Prezenti saida mak ha’u akompania tinan rua iha ha’u nia mandatu hamutuk ho Federasaun 35 ne’ebé mak eziste iha ita nia rai,maibé sira nafatin infrenta dezafiu oioin i mezmu tinan 20 ona lei ida autulidade públiku ne’e to’o agora laiha Federasaun ida mak hetan autulidade públiku tanba seidauk bele prense rekezitu bá lei refere.