MANUFAHI – Relasiona ho preokupasaun pontu vokal Konfederasaun Desportu Timor-Leste (CDTL sigla iha lian Portugues) nia iha munisipiu Manufahi konabá fasilidade Desportu, tanbá ne’e Sekretariu Estadu Juventude no Desportu (SEJD) Abrão Saldanha tun hodi observa kondisaun estadiun Manufahi no posiblidade sei konstrui tan mini kampu ida iha Manufahi.
“Objetivu mai vizita hela kampu ida ne’e, tanbá SEJD rona prekupasaun pontu vokal husi CDTL nian iha Manufahi kona ba fasilidade desportu laiha, maibé fasilidade iha kampu ne’e governu lokal administrasaun Manufahi halo ona investimentu konstrui tribun ida no moru haleu ona” relata Abrão ba jornalista iha kampu Manufahi Kinta (12/08).
Nia dehan, SEJD hare ona rai ida no hahu hanoin aban bainrua planu atu investimentu ba kampu ida tan, tanbá kampu Manufahi ne’e lolos halo tia ona iha 2016 maibé diskusaun entre governu sentral no governu lokal, entaun lokal investe uluk ho PDN halo uluk tia iha munisipiu Manatutu.
Konabá kondisaun kampu diak hela, tanbá governu lokal halo ona lutu haleu hodi prevene hela ema no animal sira labele tama kampu hodi estraga fasilidade.
Agora mak ne’e oinsa mak istimula jogu komunitariu sira, maibé iha Manufahi diak tebes tanbá governu lokal kria rasik Kopa ida hodi bele uza fasilidade ne’ebé sira iha.
Governante ne’e haktuir, estadiun ne’e problema iha pozisionamentu estadiun ninian mak rin baliza iha fali leste oeste, tanbá loron bele prezudika jogador sira.
“Ita laiha solusaun atu muda estadiun ne’e, tanbá governu atu hadia fali mos fatin ba kampu refere la to’o”.
Nia mos husu ba Governu lokal sei iha rai seluk tan ita bele halo kampu komunitariu sira, tanbá jogu komunitariu la presiza kampu estandar.
About Post Author
