Dili-(Desportu XYZ) Confederasaun Desportu Timor Leste (CDTL) atribui Certifikadu apresiasaun bá Federasaun 3 ne’ebé mak hatudu ona Prestasaun iha eventu internasional Sea Games mak hanesan, Federasaun Taikwondo Timor-Leste, Federaasaun Karat-do Timor Leste no Federasaun Boxing Amadora Timor Leste.
Certefikadu apresiasaun ne’e Prezidente CDTL Macario Sanches atribui iha Asembleia anual CDTL nian tinan ne’e iha Salaun Ministériu Defeza Fatuhada Dili sabadu semana ne’e.
Tuir Trenador nasionál Boxing,Sebastiao Soares,informa, hanesan apresiasaun ne’ebé mak ita nia CDTL ohin fó bá ami Boxing hanesan prestasaun.
“Tanba ne’e ami senti hanesan Orguliho bot ida bá Federasaun Boxing ne’ebé mak hatudu ona Prestasaun bá rai Timor Leste”
Sebastiao haktuir, Esperansa Boxing Timor Leste nian mak,ami tenki hatudu Nafatin Prestaun iha futuru no liuliu eventu Sea Games ne’ebé sei akontese iha Thailandia tinan 2025.
Iha fatin hanesan,Trenador nasionál Federasaun Taikwondo Timor-Leste, Mateus Soares,afirma “ha’u senti di’ak tanba sertifikadu apresiasaun husi CDTL ne’e oinsá atu motiva ami trenador,atleta, ofisiál no Federaasaun hodi hatudu nafatin Prestaun iha tinan oin”
Sorin seluk prezidenti Federasaun Karat-do Timor leste Filomino de Araújo hateten,ami senti Orguliho oituan tanba iha momentu ida ne’e CDTL bele fó sertifikadu apresiasaun bá ami tanba nia esforsu.
Tanba ne’e bá oin ami sei esforsu nafatin tuir objetivu ne’ebé mak durante ne’e ami fó trenu bá atleta sira.
About Post Author
