DILI – Klubu Panteras Negras Boavista FC Timor sei hetan patrosinador husi kompaña Heineken ba jogu Liga Futebol Timor Leste (LFTL) iha epoka 2021.
Tuir Prezidente Boavista Jose Ramos Horta hatete objetivu husi klubu Boavista FC Timor hasoru malu ho kompaña Heineken Timor atu koalia oinsa mak bele sai parseru hanesan patrosinador ba klubu Boavista iha epoka 2021 iha Liga Futebol Timor Leste.
Maibe Heineken seidauk halo komitmentu ida atu defenitivu apoiu ka la apoiu tanba tuir sira nia etika tenki halo dialogu lai mak foin bele hetan defenitivu lolos atu sai patrosinador.
“Ami koalia oinsa mak Heineken atu apoiu nafatin no mos ho kompania sira seluk atu sai parseru diak ho klubu Boavista iha tinan ne’e” Relata Horta ba jornalista iha kna’ar fatin Metiaut, Kinta (28/01).
Ita hare kompani Heneken la’os apoiu deit ba futebol maibe sira iha komitmentu ida atu apoiu ba sosiedade hotu iha Timor hanesan kompaña bo’ot iha mundu.
Nia hateten klubu Boavista hanesan buka patrosinador sira tulun Boavista nia programa iha liga epoka 2021.
Soren seluk Manajer Heneken Ana Guterres afirma estrutura Heneken hasoru malu ho prezidenti Boavista FC Timor hodi deskuti programa saida mak ami atu apoiu.
Hasoru malu ho estrutura Boavista atu hatene estratejia saida mak ami atu apoiu tanba Heineken iha komitmentu ida atu apoiu klubu sira atu ajuda desportu iha Timor, dehan nia.
Agora Heineken hein proposta husi klubu Boavista atu propoin mai ami hodi hatene saida mak Boavista nia hakarak hafoin hetan asina akordu ho klubu Boavista.
Kompania Heineken la’os hatene produs serveza deit maibe ami mos hatene responsavel atu apoiu atividade desportu hodi dezenvolve jogador sira atu joga diak. (Eug).
About Post Author
