DILI-(Desportu XYZ) Prezidenti Confederasaun Desportu Timor Leste (CDTL) Macario Sanches ho Sekretáriu Jerál CDTL Carlos de Araújo ohin Hasoru malu ho Embaixador Indonézia Okto Dorinus Manik, hodi ko’alia konabá oinsá atu rona fali MoU ne’ebé antes ne’e CDTL no Koni asina ona 2014.
“Ohin oportunidade di’ak ida mai hasoru Embaixador Indonézia iha Timor Leste, ho nia objetivu atu hahú hanoin fila fali oinsa atu renova MoU ne’ebé mak antes ne’e CDTL no Koni asina ona” afirma prezidenti CDTL bá jornalista sira, hafoin hasoru malu ho Embaixador Indonézia iha Farol kuarta (14/06)
Macario dehan, ita tenki respeitu protukolu Diplomata sira, entaun mai hasoru hodi husu ajuda bá Embaixada para atu fasilita oinsá ami halo renova akordu ida ne’e.
“Ida ne’e enkontru inisiu oinsa CDTL atu hahú atraves husi Kedutan Besar Respublik Indonézia iha Dili i depois mak ami komunikasaun ho Menisteriu Negósiu Estranjeiru i Kooperasaun (MENEK) no Embaixada Timor Leste iha Indonézia atu hahú inkontru ida hodi renova portukolo ida ne’e”
Sanches Esplika, ita tenki respeitu protukolu ne’ebé mak eziste iha ita nia rai no mós protukolu ne’ebé mak eziste iha Indonézia tanba ida ne’e mak importante bá ita la’o.
Nia haktuir, ami kontenti tanba Embaixador Indonézia fasilita ami iha diskusaun uitoan konabá oinsa atu bele dezenvolve Federaasaun Desportivu sira atu hetan atividade sira mai ineresante la’ós de’it bá Desportu maibé bá mós Turizmu.
Sorin seluk, Embaixador Indonézia iha Timor Leste Okto Dorinus Manik, afirma ohin ami simu prezidenti CDTL ho nia Sekretáriu jeral atu ko’alia renova fali serbisu hamutuk entre CDTL no Koni iha Indonézia.
“Iha tinan kotuk mosu Covid,entaun muda tha, maibé ohin ita fila fali serbisu hamutuk entre CDTL no Koni hodi fokus liu bá Desportu”
Nia esklarase, potensia Desportu iha Timor Leste bót tebes tanba ne’e ita nia serbisu hamutuk hodi apoiu labarik sira iha Desportu.
Enkontru ne’e sei iha kontinuasaun tanba enkontru ohin ne’e hanesan enkontru primeiru.
About Post Author
![Pinterest](https://pinterest.com/pin/create/button/?url=https://desportu.xyz/atu-ronova-mou-ho-koni-cdtl-hasoru-embaixador-indonezia/&media=https://desportu.xyz/wp-content/uploads/2023/06/CDTL.jpeg&description="Ohin oportunidade di'ak ida mai hasoru Embaixador Indonézia iha Timor Leste, ho nia objetivu atu hahú hanoin fila fali oinsa atu renova MoU ne'ebé mak antes ne'e CDTL no Koni asina ona" afirma prezidenti CDTL bá jornalista sira, hafoin hasoru malu ho Embaixador Indonézia iha Farol kuarta (14/06)){kind=link}