Dili-(Desportu XYZ ) Komite Paralimpiku Nasional Timor-Leste CPNTL ho govenru liu husi Ministériu Juventude Desportu Arte Kultura (MJDAC) Ofisiámente ona lansa ona perparasaun bá atleta sira ne’ebé mak sei bá kompete iha eventu Asian Para Games iha sidade Hangzhou, China iha fulan outubru tinan ne’e.
“Ohin kontenti tebes mai halo lansamentu preparasaun atleta sira ne’ebé sei partisipa iha Asian Para Games iha fulan outubru tinan ne’e, no hau hatene atleta sira iha training center la masimu tanba halo preparasaun fulan ida deit maibe bele fortifika servisu ekipa nian”Afirma Menistru Juventude Desportu Arte e Cultura Nélyo Isaac bá Jornalisra sira Salaun Otel Vila Verde segunda semana ne’e.
reprezenta Timor-Leste iha Asian Para Games iha China tanba ita prepara ba prestasaun no hatudu Timoroan mos bele.
Nia haktuir,governu agora tenki rezolve problema governu anterior husik hela, maibé dalan uniku mak atleta sira tenki reprezenta Timor-Leste ba kompetisaun internasional sira nune’e hein katak ba Asian Para Games 2023 ida ne’e atleta sira husi modalidade para atletizmu, para tenis meza no para hit besi bele hakas kompete ho esforsu tuir kapasidade
Governante ne’e husu ba para atleta sira foku halo preparasaun tanba sira tenki bá kompete duni iha Asian Para Games hodi hatudu prestasaun iha China rezultadu ikus mak hatudu bele ka labele no hatudu duni katak ba kompete reprezenta nasaun hodi hamorin nasaun nia naran iha kompetisaun internasional sira tan ba ida ne’e mak nasau presiza agora.
Soren seluk,sekretariu jeral CPNTL Jose Da Silva hatete, ohin sira halo lansamentu preparasaun atleta Timor-Leste partisipa Asian Para Games iha tinan ne’e tanba daudaun ne’e sira prepara atleta hamutuk nain 11 atu hela iha training center durante loron 49.
“Ohin ita halo lansamentu ba atleta Timor-Leste partisipa Asian Para Games iha sidade Hangzhou China iha fualn outubru 2023,tanba ne’e ne’e ami prepara ona atleta sira husi federasaun para atletizmu, tenis meja no hit besi ba kompete iha Asian Para Games iha sidade Hangzhou, China nune’e atleta sira hamutuk 11 ho treinador tolu mak sei hela training center durante loron 49 hodi halo preparasaun”, Jose dehan
delegasaun hamutuk 25 mak sei ba partisipa Asian Para Games iha China tinan ne’e kompostu husi atleta nain-11, treinador nain tolu, ofisial no xefi delegasaun tanba ne’e sira hein katak atleta sira sei unidade hodi hatudu prestasaun di’ak iha China
atleta para atletizmu Teofilo Freitas informa, ha’u fó agradese ba governu bele oferese training center ba sira kompete Asian para Games tan ne’e esforsu makaas hodi luta.
“Hau fo agradese ba ita nia governu bele oferese training center ba ami durante loron 49 hodi kompete Asian Para Games iha sidade Hangzhou, China tinan ne’e tuir kbiit ho forsa ami nian tanba eventu ne’e la fasil ba ami maibe ami sei esforsu hodi luta makaas tanba hetan ona konfiansa husi nasaun”hakotu nia
Enkuantu,preparasaun atleta sira partisipa Asian Para Games tinan ne’e governu aloka orsamentu hamutuk 59, 430 USD no total atleta hamutuk nain 11 ho treinador 3 , husi modalidade para atletizmu, hit besi no tenis meza.
About Post Author
