DILI-(Desportu XYZ) Atleta nain rua husi modalidade Karate-do Timor Leste lori medalha osan metan rua husi Kompitisaun Sea Games tinan ne’e iha Cambodia mai Timor-Leste.
no iha loron 10 fulan Maiu tinan ne’e Atleta nain rua hanesan Deonisio Quefi no Jacob Manuel fila hikas ona mai Timor Leste ho medalia osan metan rua,maibe governu liu husi Sekretariu Estadu Juventude Desportu la hasoru atleta sira iha Aeroportu Internasional Nicolao Lobato.
Prezidente Karate-do Timor Leste, Filomeno Soares de Araujo haktuir, husi Federasaun Kara-tedo sente orgullu tebes tanba durante tinan barak nia laran seidauk ofrese medalha ida ba Nasaun Timor Leste, maibé ekipa ida ne’ebé partisipa Sea Games Cambodia 2023 nee ofrese medalha osan metan 2.
nia parte sente triste tanba atleta sira bá tuir kompetisaun la’ós lori sira nia privadu maibé lori nasaun Timor Leste nia naran, maibé to’o hikas fali mai Timor Leste governu la simu atleta sira iha Aeroportu.
“lolos ne’e SEJD mai partisipa iha ne’e atu nune’e simu ita nia delegasaun ne’ebé hatudu Prestaun di’ak iha Sea Games Cambodia”afirma Filomeno bá jornalista iha Aeroportu Internasional Nicolao Lobato Comoro, Dili,kuarta (10/05)
Tanba ne’e nia husu ba governu liu husi SEJD atu nafatin tau matan bá ateleta husi Federasaun hotu labele hare deit bá balu mak di’ak balu la di’ak.
“Ami Federasaun sente triste boot ho hahalok sira hanesan ne’e”
Sikun seluk Treinador Nasional Modalidade Karate-do, Andreas Quefi agradese tanba hetan prestasaun ne’ebé mak diak liu husi preparasaun sira ne’ebé mak durante nee halao.
“Ami triste tebes tanba ami bá hatudu prestarasaun maibe fila governu la simu ami”dehan nia.
Iha sorin seluk Atleta Kara-tedo Timor Leste, Dionísio Quefi haksolok tanba reprezenta Timor Leste ba li’ur hatudu rezultadu ne’ebé diak.
” Bá hau sente triste tanba momentu ami dezloka ba governu Ko’alia lia fuan balu bá ami, i liafuan sira ne’e ami halo tuir duni, maibé ami fila fali ami sira la simu”
About Post Author
