Dili-(Desportu XYZ) Atleta Paralimpic Nasionál Timor-Leste husi modalidade Tenis Meza Domingos Talo no atleta husi Powerlifting António José Anicetu Sarrao perparadu ona hodi bá kompete iha Eventu Asean Para Games ne’ebé mak sei hala’o iha sidade Hangzhou China iha fulan Outubru tinan ne’e.
Atleta Para Tenis Meza Domingos Talo dos Santos haktuir,kona-ba perparasaun husi modalidade Tenis Meza,ha’u hanoin la’ós ami tama trening Center mak foin halo perparasaun,maibé perparasaun ami nian ne’e hahu kedas iha tinan hirak liu bá.
“Ne’ebé perparasaun atu bá China ne’e ami Perparadu tebes tanba iha loron 28 fulan Agostu ami tama trening Center ne’e halo ami perparasaun maximu liu tan”Áfirma atleta Tenis Meza Domingos bá jornalista sira iha Otel Vila Verde Dili tersa (13/09)
Atleta ne’e dehan,ho trening Center ne’e halo ami trenu fokus no konserta liu bá trenamentu ne’ebé mak trenador fó.
“Kona-ba fasilidade iha Trena Center Otel vila verde di’ak,maibé fatin ami trenu ne’e mak ladún di’ak tanba lampu ladún mós.
Sorin seluk Atleta Para Powerlifting António José Anicetu Sarrao afirma,ami hahú perparasaun durante tama iha Trening Center to’o agora halo ona semana tolu.
Tanba ne’e ami agradese bá govenru liu husi Menisteriu Juventude Desportu Arte e Cultura MJDAC tanba tinan ne’e bele hanoin ami hodi tau matan bá ami atleta sira no ami atleta kompara tinan kotuk ho tinan ida ne’e iha mudansa.
“Iha mudansa tanba ami bele iha fatin trening Center maske ami hare trening Center ne’e tempu badak ho fulan ida tanba loloos TC ne’e menimal fulan tolu” nia esplika
Tuir loloos ne’e fulan tolu atu nune’e atleta perpara A’an halo diak tanba ita bá ne’e hasoru ema la’ós bá hasoru fatuk ho ai ,maibé ita nia situasaun mak hanesan ne’e ona ita avansa ho saida mak ita iha.
António sublina liu tan kona-ba alimentasaun, bá ami alimentasaun tuir duni Trening Center TC tanba loron ida ami han dala ha’at hahu husi dader mata bisu,média han,loraik snaik no han kalan.
Entertantu,totál modalidade ne’ebé mak atu bá tuir eventu Asean Para Games iha Hangzhou China iha fulan Outubru tinan ne’e hamutuk modalidade 3 mak hanesan,Para Atletismu,Para Tenis Meza no Para Powerlifting.
About Post Author
