Desportu.xyz – Atual Presidente Confederação Desporto Timor Leste (CDTL) Afranio Xavier Amaral seidauk deklara ofisiál ba nia kandidatura, atu kompete ba kongresu CDTL nian iha fulan oin, tanba ne’e iha hela nakukun laran.
Hateten atuál Presidente CDTL ne’e iha konfrénsia imprensa iha edifisíu CDTL Caicoli, Sexta (15/10) ne’e.
Atual presidente CDTL ne’e mós afirma, atu kandidatu ba presidenti foun CDTL nian ne’e, la’os nia mak kandidata-áan de’it, maibé fó liberdade ba federasaun hotu ne’ebé partisipa iha diretu ba votu, tuir estatutu Confederaçao nasionál nian.
“Federasaun sira mak iha diretu atu kandidata, hili no ema hili sira”. Hateten Afranio.
Nia dehan tan, atu kandidata an ne’e seidauk hatene ema se mak atu apoiu, tanba tuir kriteriu CDTL nian ema se mak atu kandidata-áan tenki hetan apoiu barak husi federasaun sira.
Se bainhira kandidatura ida mak nia apoiante husi federasaun sira mak menus, signifika labele liu ona iha faze tuir mai.
Tuir data tentativa ne’ebé anúnsia ona katak, loron atu realiza assembleia CDTL nian sei monu iha 20 de Novembru 2021.
Iha fatin hanesan, Presidente Assembleia jerál CDTL Aniceto Berelelo esplika, tuir estatutu CDTL nian fó dalan ba atuál Presidente CDTL atu rekandidatu-àan ba periodu oin mai.
Lei CDTL nian fó dalan ba ema sira ne’ebé atu rekandidata ninia periudu dala rua. Nia esplika. (Vidal)
About Post Author
