DILI-(Desportu XYZ) Atleta Timor oan na’in 4 husi Federasaun Boxing Amadora Timor-Leste (FBATL), hetan deskualifikasaun husi Kompetisaun Asian Games ba dala 19 iha Hangzhou China, tanba ne’e Klubu Ell Matador Boxe husu Comite Olimpiku Nasional Timor Leste atu halo Klarifikasaun bá públiku
Reprezentante Klubu El matador, Abilio Orlando dos Santos, informa notisia ne’ebé mak publiku halo diskusaun kona-ba Atleta Boxe 4 ne’ebé to’o tiha ona iha China, maibé la Kompete iha eventu Asian Games 2023.
“hanesan reprezentante Klube no treinador sente triste, tanba informasaun katak, modalidade Boxing la priense rekizitu, maibé CONTL nonok deit lakohi buka solusaun,tanba nee husu atu klarfika razaun konaba atleta sira la kompete”afirma Abilio bá jornalista sira iha Benfica Dili segunda (25/09)
Tanba ne’e, husi Klubu El Matador Boxe sente triste ho boxista Delio ne’ebé lakon oportunidade boot iha kompetisaun Asian Games.
Trenador Ell Matador ne’e haktuir, husi FBATL prepara Atleta no CONTL mak organiza ikus mai atleta sira la partisipa, espera CONTL bele klarifika problema refere,tanba CONTL mak akompanha atleta sira, tanba ne’e sira iha responsabilidade, karik Timor Leste hanesan ne’e bainhira hatudu iha mundu desportivu nian.
durante ne’e atleta boxista Timoroan, Delio Mouzinho hamutuk ho nia kolega sira prepara masimu tebes.
“problema ne’e hanesan, treinadur Klube Ell Matador , nafatin fó responsabilidade ba atleta sira hodi prepara fali iha enventu sira seluk, hanesan pesoal sente triste ho Boxista sira hetan deskualifikasaun ne’e lakon oportunidade bo’ot.
Entertantu, Atleta nain 4 husi Federaasaun Boxing Amadora Timor-Leste ne’ebé mak hetan Deskualifika husi eventu Ásia Games iha Hangzhou China tinan ne’e mak hanesan, Delio Anzaqeci Mouzinho,Edigar Foi Kintas, Elision Raimundu no Alexandre Freitas
Nutisia ne’e publika seidauk halo komfirmasaun ho parte CONTL tanba dadaun ne’e parte CONTL sei iha hotu Hangzhou China.
About Post Author
