Dili-(Desportu XYZ) Governu liu husi Ministeriu Juventude Desportu Arte e Cultura MJDAC Aloka ona orsamentu hamutuk 96,380 bá Konfederasaun Desportu Timor-Leste (CDTL) hodi atribui bá federasaun 10 atu halo preparasaun bá atleta sira molok infrenta eventu Asean Games ne’ebé mak sei hala’o sidade Hangzhou China iha fulan Setembru.
hahu iha loron 23 fulan setembru to’o loron 8 fulan outubru 2023
Prezidenti CDTL Macario Sanches informa, ohin ita hala’o enkontru daruak hamutuk ho federasaun 10 no ami esplika katak governu liu husi Ministériu Juventude Desportu Arte Kultura (MJDAC) Aloka orsamentu mai CDTL no ami atribui fali orsamentu ne’e ba atleta sira nia preparasaun molok infrenta eventu Asean Games tinan ne’e
“montante orsamentu bá preparasaun ne’e hamutuk 96,380 USD, no orsamentu ne’e ita sei fahe ba kategoria oi-oin, maibe hahan mak prinsipal liu, tan ne’e nia orsamentu ho montante 68,170 ba modalidade 10 tanba kada atleta ida sei hetan orsamentu hahan bá loron ida ho montante $ 30 durante loron 49” dehan prezidente CDTL ba jornalista sira iha nia knaar fatin Caicoli segunda (31/07)
Tuir Macario katak,ohin enkontru daruak nian ba preparasaun atleta sira ba Asean Games iha China, maibé nia objetivu prinsipal atu diskute kona ba hahu preparasaun tekniku ba atleta sira tanba ne’e atleta sira nia preparasaun tenki hahu iha loron 1 fulan agostu to’o loron 18 fulan setembru 2023 tinan ne’e.
Atu nune’e modalidade sira partisipa ne’e tenki halo orariu ho programa atu bele hahu ona no orsamentu hahan sira sei oferese direitamente ba federasaun sira atu jere hodi halo kontratu ho fornesedor prepara menu tuir federasaun nia hakarak ne’ebe tuir aprovizionamentu husi CDTL ita hein preparasaun atleta sira durante loron 49 bele la’o di’ak
“atleta husi federasaun 10 rejistadu hotu iha komisaun organizador Asean Games nian, maibe hela deit atleta husi tenis kampu mak seidauk konfirmadu nune’e aban sira sei komunika ho komisaun organizador katak atleta husi federasaun tenis kampu bele tuir ka lae” nia esplika
CDTL hari’i ona ekipa kada Ema nain rua kontrola modalidade ida, ekipa ne’e sei hare’e atleta sira nia kualidade hahan, orariu treinu ho programa durante preparasaun loron 49 tanba atleta sira daudaun ne’e hala’o treinamentu utiliza fundu solidaridade olimpiku la tama iha preparasaun ida ne’e, maibe sira nafatin hetan subsidiu durante fulan rua tuir konkordansia CDTL ho federasaun katak atleta sira hetan fundu solidaridade olimpiku treinamentu la’o nafatin iha rai liur no atleta sira treinu iha rai laran utiliza orsamentu husi governu ba preparasaun.
Nia afirma tan, ohin mos sira ko’alia atetude atleta ho treinador sira iha fatin treinu nune’e treinador ho atleta tenki hatene papel, problema tekniku atleta ko’alia ho treinador depois ba federasaun mak mai kolia ho ekipa sira destakadu iha federasaun depois mai hato’o iha CDTL karik atleta ho treinador mak la dixiplina hasai husi lista tuir konkodansia CDTL ho federasaun sira.
Sikun seluk prezidente Federasaun Karate-Do Timor-Leste Filomeno Soares haktuir, ohin loron ba daruak sira husi federasaun partisipa Asian Games tinan ne’e enkontru ho estrutura CDTL koalia atleta sira nia preparasaun ba kompete Asian Games iha China nune’e husi federasaun karate-do rasik hetan orsamentu hahan ba preparasaun atleta sira nian ho montante 7,350 USD kompostu husi atleta nain lima ho treinador ida
“Ami mós sei kontrola masimu sira nia atleta ba treinamentu nian mak hanesan kontrola dixiplina, saúde ho mentalidade maski la tama karantina tanba sira nia atleta ba kompete Asian Games reprezenta nasaun Timor-Leste ida ne’e mak importante ba atleta sira”
Lideransa Karte-do ne’e afirma, atleta sira sei kompete ho dignu tanba iha jogu iha manan ho lakon maibe atleta sira hotu hakarak manan para hetan medalla mai Timor-Leste no kompania atu fornese hahan ba atleta ne’e, sira identifika ona, sira hatama proposta ba CDTL, aban mak sira deside kompania ida ne’ebe mak fornese hahan di’ak bá atleta.
Entretantu total atleta sei kompete iha Asian Games tinan ne’e hamutuk nain-26 husi federasaun Atletizmu, Taekwondo, Boxing, Karate-Do, Tiru, Badminton, Tenis Kampu, Natasaun, Halterifilizmu no Voleibol Praia.
Enkuantu,eventu Asean Games ne’e sei hala’o iha loron 23 fulan Setembru to’o loron 8 fulan Outubro 2023.
About Post Author
 Aloka orsamentu mai CDTL no ami atribui fali orsamentu ne'e ba atleta sira nia preparasaun molok infrenta eventu Asean Games tinan ne'e){kind=link}