DILI-(Desportu XYZ) Universidade Nasionál Timor Lorosae UNTL liu husi departamentu Desportu realiza eventu Tenis do Meza hodi komemora Restaurasaun Independensia 20 de Maiu bá dala 21.
“Objetivu husi eventu Tenis do Meza ne’e atu Komemora Restaurasaun Independensia Timor Leste nian bá dala 21 no ida mak atuv hametin relasaun entre dosente ho estudante sira”afirma Deritor Departamentu Desportu Fransisco Barboza bá jornalista sira iha kampu Tenis do Meza UNTL sesta (12/05)
Nia sublina,buat tolu ne’e importante bá eventu refere tanba dosente iha mak estudante iha.
“Atu promove talentu sira ne’ebé mak Akademica sivica iha atu nune’e ita bele detekta atleta ne’ebé di’ak hodi bá kompete iha Eventu entre universidade ho menisteriu sira halo liu Tenis do Meza”nia esplika
Ita la’ós iha prosesu aprendezajen de’it,maibé departamentu Desportu eziste atu ajuda sivica Akademica labele tur de’it no tenki halo ezersisio atu bele ita nia saúde bá tempu naruk.
Kona-ba orsamentu bá realiza eventu ne’e hamutuk $400.00 no orsamentu sira mai husi resistu no mós apoiu husi Sekretáriu Estadu Juventude no Desportu SEJD.
deritor Desportu ne’e haklean tan,atleta ne’ebé mak Partesipa iha eventu Tenis do Meza hanesan ekipa jogu dopla nain 12 no jogu individual nain 20.
Sorin seluk, Deritor Nasionál SEJD Cesarinu da Silva fó parabens bá inisiativa di’ak ida ne’e tanba bele kria Espasu di’ak bá dosente sira tanba sira loron kalan mak iha sala laran hodi fera ulun bá estudante sira,maibé eventu ne’e hodi kria Espasu di’ak bá sira hodi bok A’an.
“Governu liu SEJD luta barak los hodi kria atividade sira hanesan iha eskola no komunidade sira atu nune’e halo ema bela bok a’an”Cesarinu afirma
Lasu amizade ne’ebé mak dosente ho estudante sira halo ne’e hodi hametin liu tan amizade tanba estudante sira lorloron husu dosente sira binbing matéria,maibé eventu halo sira kompete fali.
Nia haktuir,governu liu SEJD sempre apoiu nafatin liu husi orsamentu no fasilidade sira bá atividade sira hanesan ne’e.
Entertantu,eventu ne’e sei realiza durante loron no premeu bá altea sira husi premeru lugar to’o terseru lugar no premeru lugar sei hetan orsamentu ho motante $100.00.
About Post Author
