Dili-(Desportu XYZ) relasiona ho konfrontu entre organizasaun Arte Ritual 77 ho Arte Marsiais Persaudaran Setia Hati Terate (PSHT) iha Aldeia Fatunaba Suku Dare Postu Administrativu Nain Feto Munisípiu Dili hodi resulta vitima Clementinu Borges lakon vida.
Tanba ne’e Komisaun Regulador Arte Marsiais (KRAM) sei bolu líder organizasaun Arte Ritual 77 no líder Arte Marsiais PSHT hodi tur hamutuk atu buka solusaun bá problema refere.
Prezidenti KRAM Octavio da Consencao haktuir, akontesementu ida iha suku Dare iha loron 02 to’o loron 3 fulan Novembru tinan ne’e e deskonfia involve organizaun Arte Ritual 77 ho Arte Marsiais PSHT hodi rezulta membru PSHT ida lakon vida.
“KRAM hakarak informa bá públiku katak,prosesu investigasaun hotu agora iha komandu Polísia Nasionál Timor Leste PNTL nia liman,maibé iha semana ne’e KRAM sei bolu líder nain rua atu tur hamutuk hodi solociona tha problema ne’e”relata prezidenti KRAM bá jornalista iha SEJD segunda (07/11)
Octavio Afirma,horseik Sira bá halot ona vitima Clementinu Borges nia mate isin i depois sira fila hetan tan asaltu husi arte Ritual 77 iha Aldeia Rai Kuak Suku Lahane Ocidental postu administrativu Nain Feto hodi rezulta membru PSHT hetan kanek barak no motorizada rua hetan estragus.
Akontesementu durante iha loron finadu ne’e la’os iha Dare de’it,maibé akontese iha Munisípiu Viqueque IKS ho PSTH,Munisípiu Bobonaro membru PSHT ho organizasaun Sereliu Dewata,maibé problema sira ne’e konsege Resolve ona.
“Ami bele hatete bá públiku katak akontesementu hotu ne’e nia motivu mai husi konsume Alkhol hodi provoka malu to’o tuda malu”Octavio sublina
KRAM nafatin iha pozisaun katak,atake malu ne’e individual husi arte Marsiais no Arte Ritual sira i la’ós lori sira nia organizasaun tanba problema ne’e kremi públiku.
Nia afirma liu tan,laiha organizasaun Arte Marsiais no arte Ritual ida atu hanorin ema halo problema no oho ema,maibé hakotu ema nia vida tenki prosesa bá Tribunal tuir kodigu prosesu penal ne’ebé iha.
“KRAM nia dezisaun atu fó sansaun iha,tanba ha’u hetete ona bá públiku katak,kuandu organizasaun sira nia membru komite beibeik kremi KRAM sei fó sansaun tanba sansaun ami hetete ona iha segundu dereitiva KRAM”
Prezidenti KRAM Saleinta tan,sansaun ne’ebé mak KRAM sei fó mak hanesan,ezemplu rante ida iha Munisípiu mak halo problema,KRAM fó sansaun bá atividade hotu iha Munisípiu refere taka totál to’o tinan rua.
Maibé to’o agora KRAM seidauk bele fó sansaun tanba KRAM sei iha hela prosesu hodi konsulta ho líder Arte Marsiais hotu atu resistu ranti sira mak foin bele legaliza hodi fó sansaun.
Entertantu,tuir informasaun ne’ebé mak KRAM hetan husi akontesementu iha loron finadu mak hanesan,iha loron 1 fulan Novembru konfrontu organizasaun Serilu Dewata ho PSHT,Manufahi iha sukuHola rua konfrontu entre juven ho juven la’ós arte Marsiais,Ainaro membru KORK sira mak halo problema entre sira ho sira, Viqueque IKS ho PSHT no ikus liu mak Suku Dare.
About Post Author
