DILI-governu liu husi Sekretáriu Estadu Juventude no Desportu (SEJD) kontinua hein proposta husi orgaun Liga Futebol Timor Leste (LFTL) kona-ba orsamentu ne’ebé atu organiza liga Epoka 2022-2023.
Tuir deritora Alta Kompitisaun SEJD Maria Luzia Monteru deklara,SEJD simu ona proposta balun husi Federasaun sira seluk atu halo Kampionatu nasionál no Federasaun balun ami atribui ona orsamentu bá sira halo Kampionatu nasionál.
“Kona-ba Futebol ami hein sira nia proposta husi orgaun LFTL tanba to’o agora sira seidauk supmete proposta ami SEJD atu atribui orsamentu hodi realiza liga Epoka tinan ne’e”tenik Maria bá jornalista sira iha nia kna’ar fatin SEJD segunda (22/08)
Tuir nia katak,Futebol no Volibol sira nia proposta mak seidauk haruka mai,sei karik mak sira supmete ona,SEJD sei atribui orsamentu bá hodi organiza ona sira nia atividade iha tinan ne’e.
“Husi montante orsamentu bá Futebol no Volibol ami seidauk hatene tanba ami hein proposta husi sira hatama mai ne’e ho montante hira mak foin ita hatene”dehan Maria
Nia haktuir,kona-ba Volibol ami simu ona proposta antes ne’e,maibé SEJD Abrao Saldanha dehan Volibol nia hein lai tanba ita fó ona formasaun bá arbritazen sira iha Munisípiu hotu,entaun ita tenki halao husi Munisípiu mai to’o nasionál.
Rekorda fali katak,orsamentu bá realiza liga tinan ne’e Federasaun Futebol Timor Leste (FFTL) tau $ 200 mil no SEJD $ 200 mil.
Entertantu,tuir planu FFTL nia bá Kalendariu jogu Epoka tinan ne’e hala’o iha 18 fulan Agostu 2022,maibé data ne’ebé mak fó sai ona laiha serteza bá klube sira tanba to’o agora parte LFTL no FFTL sei nonok hela.
Enkuantu,ho notisia ne’e públika Jornalista tenta halo konfirmasaun ho parte LFTL,maibé Prezidenti LFTL laiha fatin.
About Post Author
