DILI- Governu liu husi Sekretáriu Estadu Juventude no Desportu (SEJD), Abrao Saldanha, ofisialmente abertura bá Kampionatu Nasionál husi Federasaun Atletizmu Timor Leste (FATL) tinan 2022 iha estadium Munisípiu Dili tersa ne’e.
Tanba ne’e SEJD husu bá Federasaun Atletismu atu buka atleta Pontensial husi Kampionatu nasionál ne’e hodi bele hasai tan medalia osan mean iha eventu internasionál tuir mai.
“Ohin ita realiza tan Kampionatu Nasionál ba atletizmu atu selesiona atleta potensial ne’ebe prepara ba jogu internasional sudeste Aziatiku Asean Games tinan oin”, tenik Abrao Saldanha ba Jornalista iha estadium Munisípiu Dili, Tersa (16/08/)
Tuir nia katak, husi Kampionatu Nasionál ne’e prepara atleta sira ba jogu CPLP iha tinan 2024, tanba Timor Leste mak sai uma nain entaun atleta sira tenke prepara.
Federasaun Atletizmu iha ona atleta potensial ida ho naran Felisberto de Deus ne’ebe lori ona Timor-Leste iha jogu internasional Asean Games konsege lori osan mutin rua.
Governante ne’e sublina, Governu nia esperansa ba Kampionatu ne’e oinsá buka atleta potensial nune’e bele hasa’e tan medalla osan mutin bele hetan osan mean.
“Ita hein katak atleta ne’ebe apura iha Kampionatu Nasionál ne’e bele duni tuir Felisberto nune’e bele hatudu tan prestasaum di’ak iha mundu desportivu”, katak Abrao Saldanha.
Nia orgullu tebes ho modalidade Atletizmu tanba hatudu prestasaun di’ak no fila mai Timor Leste ho rezultadu pozitivu.
Iha fatin hanesan Prezidente Federasaun Atletizmu Timor Leste (FATL), Afranio Xavier Amaral, dehan, durante halo ona atividade nasional no internasional ohin realiza Kampionatu Nasionál.
“Ohin ita realiza Kampionatu Nasionál ba 2022 nian ho objetivu atu selesiona atleta ba jogu sira tuir mai”, katak Afranio Xavier Amaral.
Prezidente Federasaun ne’e afirma, atleta ne’ebe marka presenza iha Kampionatu Nasionál ne’e husi Munisípiu 13, kada Munisípiu atleta na’in haat, mane rua no feto inklui ofisial ida.
Afranio afirma, orasmentu ne’e aloka husi Governu liuhosi Sekretáriu Estadu Juventude no Desportu ho montante dollar Amerikanu 15.000 USD.
Prezidente ne’e esplika, husi Kampionatu Nasionál ne’e oinsá atu tais ka define atleta ne’ebe atu reprezenta kontijente Timor-Leste iha jogu internasional ne’ebe sei akontese iha tinan 2023.
Nia akresenta, jogu Asean Games sei akontese iha Maiu tinan 2023, ne’ebe sei realiza iha nasaun Cambodia.
Entertantu Partesipa iha eventu ne’e Maiu husi Arbitrazen no asosiasaun husi Munisípiu 13.
About Post Author
