Dili-Federasaun Karate-do Timor Leste (FEKATIL),Federasaun Xadres Timor Leste (FEXATIL) no Federasaun Atletismu Timor Leste Prense ona Rekezitu tuir dokomentus ne’ebé sira submete bá iha Confederasaun Desportu Timor Leste (CDTL) tuir diploma Ministerial husu.
Vice prezidenti CDTL Zeferinu Viegas Tilman hatete,ohin CDTL bolu Federasaun desportiva sira ne’ebé hahú halo avaliasaun dokumentus ne’ebé CDTL halo durante fulan tolu nia laran katak balun nia dokomentus laiha liu i Federasaun inkompletu no balun nia dokomentus kompletu.
“Federasaun tolu ne’ebé ohin CDTL bolu mai halo inkontru ne’e,sira ne’e kategoria Federasaun ne’ebé nia dokomentus kompletu tuir diploma Ministerial husu”tenik Zeferinu ba jornalista iha salaun CDTL kuarta (06/04).
Nia informa, Federasaun tolu ne’e kuaze nia dokomentus kompletu tanba númeru atleta balun depende bá nia kategoria tanba ne’e Federasaun tolu ohin ne’e hahu bá diploma Ministerial ba atualidade utiliza públika atividade desportiva tuir sira nia dokomentus ne’ebé submete mai ne’e Prense hotu Rekezitu tuir diploma Ministerial husu.
Tanba ne’e dereitu sira ne’ebé sira hetan hahú oin bá oin ohin ami esplika bá sira hodi akompani atu bele hatene nune’e bá futuru dezenvolvimentu ne’ebé hetan ne’e kontinua dezenvolve hanesan ne’e keta halo bá sira nia prestassun bele tun fila fali.
“Diploma Ministerial atualidade públika desportiva ne’e,iha ne’ebá kretetria barak tebes hanesan Federasaun tenki halo nia asembleia kada tinan haat depende estatutu haruka i Federasaun mós tenki iha estrutura ativu bá asembleia ne’e, federasaun tenki resistu iha noteriadu,sede, atleta,arbitu,no trenador hodi nune’e bele Prense Rekezitu bá Federasaun desportiva ida”dehan nia
Zeferinu haklaken, iha lei baze Desportu mós mensiona kona-ba Federasaun sira tenki iha asosiasaun iha Munisípiu sira hotu minimu tenki 7, maibé Federasaun tolu ohin ne’e sira nia asosiasaun iha iha Munisípiu hotu tanba sira kuaze kompletu hotu.
Iha fatin hanesan, Sekretáriu Jerál Federasaun Xadres Juviano Chuvas afirma,los duni katak ami Federasaun tolu ohin ne’e hetan convite husi CDTL mai Partesipa inkontru ne’ebé liga ho dezempenu Federasaun nian liu husi inkontru iha fulan rua ba kotuk no CDTL rasik husu ba Federasaun sira atu kompleta dokomentus.
Rekezitu sira ne’ebé CDTL husu atu kompleta dokomentus sira ne’ebé tuir diploma Ministerial hatete,ikus mai ami konsege konklui duni dokomentus kompletu ba CDTL .
Entertenta Federasaun tolu hanesan Karate-do,Atletismu no Xadres sei hetan sertifikadu apresiasaun husi CDTL.
About Post Author
