Dili-klube Boavista Fc Timor ho naran istimadu Panteras Negras desidi hodi lakohi Partesipa iha jogu segundu devizaun Liga Futebol Timor Leste (LFTL) Epoka 2022, tanba razaun klube halo investementu laiha kualidade jogu no situasaun laiha mudansa,klube gasta osan de’it la hetan buat ida husi jogu refere.
Antes ne’e klube Boavista Fc de Timor hatama ona karta resignasaun ba LFTL hodi lakohi Partesipa iha jogu Epoka 2021 tanba razaun finanseru,entaun orgaun LFTL foti dezisaun hodi fo sansaun ba Boavista atu kompete iha segundu devizaun.
Iha Epoka 2022 orgaun LFTL loke janela transferensia ba jogador husi premeru devizaun no segundu iha loron 21 fulan Fevereiru no remata ona iha 21 fulan Marsu tinan ne’e,maibé to agora laiha klube ida mak mai halo resistu jogador iha LFTL inklui Boavsita.
Sekretáriu Jerál Boavista Fc Timor Ezzy Leong hatete,ha’u hanoin Boavista sei la Partesipa jogu tinan ne’e tanba normalmente kuandu hasoru Epoka hanesan ne’e ami prepara antes,maibé ami hotu depende ba klubu nain tanba to agora mós klube na’in seidauk kontaktu ami no mós ami nia trenador Miru Valdo agora ba ternu ona klube Portu Taibesi,entaun segnifika ami sei lapartesipa.
“razaun lakohi partesipa tanba klube mós halo investementu, sei halo investementu ba mak ho situasaun ida ke loloos ne’ebé failansu iha ne’ebá tanba mekanismu kondisaun siran ne’e ikus mai sira obriga klube sira Partesipa deit,sei ita partesipa de’it kualidade jogu laiha entaun ita gasta osan de’it la hetan buat ida husi jogu ne’e”afirma Ezzy ba Desportu Xyz iha nia kna’ar fatin Bairu grilos kinta (31/03)
Nia informa,momentu ne’e Klube sira foti dezisaun atu kansela liga ne’e muda ba iha situasaun normal atu nune’e Federasaun Futebol Timor Leste (FFTL) ho LFTL atu prepara ho di’ak.
“kona-ba subsidu ne’ebé FFTL mantein iha Epoka ida ne’e,ha’u hanoin lá’os Boavista de’it mak senti,maibé klube segundu no premeru devizaun mós senti hotu tanba klube sira agora moris hela ne’e moris hela inserteza nia laran tanba hanesan ne’e hela de’it klube balun mós sei hili dalan tuir hotu ami”dehan nia
Ezzy Sublina,tuir klube nain dehan Boavista tun ba terseru devizaun mós diak,maibé Bandeira ami nian nafatin iha tanba to tempu Boavista hakarak fali partesipa,entaun kompete fali husi terseru devizaun mai mós di’ak.
About Post Author
