Dili – Atu selebra loron mundial Boxing, Federasaun Boxing Amadora Timor-Leste (FBATL) hetan apoiu dolar Americano 7.500 husi Secretáriu Estadu Juventude no Desportu (SEJD), hodi realiza eventu mundial ne’e iha Timor Leste.
Lia hirak ne’e hato’o husi Sekretariu ezekutivu Janio Tilman liu husi konferensia imprensa iha edifisiu FBATL Benfica Dili (23/09).
Tuir nia, orariu ba selebrasaun loron mundial boxing, Federasaun Boxing Amadora Timor-Leste (FBATL) sei realiza iha loron ida fulan outubru.
“Momentu ne’eba ita husu iha proposta orsamentu hamutuk rihun sanulu resin hitu atus lima ($17.500), maibé sua exelensia sekretariu estadu fo hela exersisiu ba federasaun sei iha posibilidade apoiu de’it ba fatin ba premiu, ekipamentus no mos arbitrajen, sira seluk purezemplu insetivu uitoan ba komisaun ba publisidade ne’e ami fo hela tpc ida ba federasaun atu buka rasik. Tan ne’e mak apoiu ne’e ita request 17.500 maibé hetan aprovasaun 7.500 dolar amerikanu ba realizasaun ekipa federasaun konkorda.” dehan sekretariu ezekutivu FBATL Janio Tilman.
Nia mós esklarese, tuir planu atu realiza iha loron ida fulan outubru tinan 2021.
Fundus apoiu ba atividade refere halo transeferensia ba konta federasaun ninian, nune’e loron horseik hato’o fali pedidu ba utulizasaun fatin iha posibilidade utiliza fatin iha SEJD atu bele realiza.
Maske nune’e FBATL mós husu diskulpa ba boxista sira tanba mudansa orariu ba selebrasaun loron boxing nian. Tanba halo ona preparasaun maximu maibé tanba situasaun pandemia global Covid-19 tanba ne’e tenke komprende situasaun ne’e.
“Ita haree boxista sira iha espiritu bo’ot tebes tan ne’e husu sira atu treina hikaas fali ita sei bazeia ba dadus ne’ebé submete ona.”
Ba klubu ne’ebé halo mudansa nakloke administrasaun nian halo akompaniamentu para halo reazustamentu ba boxista balu sente ladun preparadu bele truka fali ho ninia belun seluk maibé kontinua ho husi nia klubu.
“Boxista sira hotu halo ona preparasaun lubuk ida no ekipa administrasaun mós halo ona rejistrasaun ba boxista sira. atu halo kompetisaun ba selebrasaun loron mundial boxing.”
Ne’ebé Realizasaun selebrasaun loron boxing sei hala’o iha loron 1 no 2 fatin iha hela prosesu diskusaun pedidu ba exelensia sekretariu estadu atu bele oferese SEJD ba loron selebrasaun.
Atu komemora selebrasaun loron mundial FBATL mós sei realiza kompetisaun ka partai hamutuk sanulu resin neen ualu sei halo jogu iha loron 1 fulan outubru seluk sei halo jogu iha loron 2 husi partidu sanulu resin neen maioria mane hamutuk 14 no mos ba feto partai rua.
Alende ne’e kompetisaun ka partai ne’e atu rekolla baze de dadus boxista feto no mane. Asegura dadus ba sekretaria estadu juventude no desportu, tanba ba futuru federasaun hot-hotu apresenta dadus atu bele hetan utilidade ba estadu Timor-Leste.
“federasaun boxing amadora timor-leste (FBATL) atu inform aba publiku katak ita nia selebrasaun loron mundial boxing ninian loloos ne’e atu organiza iha loron 26-27. Hanesan ita hotu hatene boxista sira hotu halo ona preparasaun lubuk ida ekipa administrasaun mos halo ona rejistrasaun ba boxista sira,”
Janio hatete, Timor-Leste infrenta situasaun pandemia covid-19 ne’ebé tenke kumpri, ikus mai informasaun ne’ebé governu deside konfinamentu obrigatoriu domisilariu no serka sanitaria nune’e la konsege organiza.
Maibé ami halo aprosimasaun nafatin ho sekretariu estadu juventude no desportu no mantein nafatin selebrasaun loron mundial boxing iha dia 27 ne’e ita halo konfirmasaun ikus.
Tanba ne’e orariu ba selebrasaun loron mundian ne’e, sei la kansela maibé adia de’it atividade selebrasaun ne’e ba tempu seluk depois ita haree situasaun timor liliu ba pandemia covid-19 ne’e iha kondisaun diak ita bele realiza fila fali.(desportu.xyz)
About Post Author
