DILI – Federasaun Fútebol Timor Leste (FFTL) iha planu atu lori jogador selesaun nasional Timor Leste sub 23 ba hala’o treinamentu iha estadiun Malibaka Yamatu Maliana, se karik karta ne’e mak la hetan autorizaun husi Ministeriu Saude atu halo trenu iha Dili relasiona ho governu aplika konfinamentu domisiliariu iha loron 27 Agostu 2021.
Adjuntu Sekretario Jeral FFTL Frederico Martins hatete, preokupasaun bo’ot liu ba federasaun maka preparasaun ba selesaun nasional sira nian, tanbá tempu besik ona, iha 27 Outubro 2021 ita sei partisipa kompetisaun ba kualifikasaun AFC cup AFC sub 23 nian iha Singapura no Timor Leste monu iha grupu H.
Tanbá ne’e mak ohin ami hato’o karta pedidu ida ba Ministeriu Saude hodi husu atu autoriza atvidade treinu la’o nafatin ho kriteriu jeral hanesan jogador 30 no ofisial nain 7 sei konsentra iha fatin ida hodi halo treinamentu iha kampu demokrasia tuir oras ne’ebé mak termina ona durante konfinamentu domisiliariu.
“Ho desizaun ida ne’e kabe ba Ministeriu Saude, karik sira autoriza ida ne’e ita hahu ho programa, no karik ida ne’e mak la autoriza federasaun iha opsaun seluk atu buka munisipiu seluk hanesan estadiun Malibaka Maliana hodi jogador ba hela iha neba atu halao trenu” relata Frederico ba jornalista iha FFTL kinta (25/8).
Nia haktuir, federasaun kontaktu ona ho sira iha Maliana, tanbá ita hotu hatene Timor kampu diak mak Maliana no Ermera Glenu, maibé Glenu mos tama hela konfinamentu domisiliariu entaun ami hili Maliana.
Karik ida ne’e mak rejeita husi MS, ami sei halo fali pedidu ida atu husu governu atu autoriza jogador sira halo viazen ba Maliana hodi hela neba atu hala’o trenu to’o konfinanamentu domisilariu remata, tenik nia.
Frederico haklaken katak, federasaun mos kontrata ona ba peritu Fitness hodi jogador selesaun nasional sira fokus ba treinu fiziku nian, karik progaramasaun ne’e hapara agora ne’e fo impaktu ba fiziku jogador sira nian.
About Post Author
