DILI – Governu liu husi Sekretario Estadu Juventude no Desportu (SEJD) Abrão Saldanha hateten, parte governu sei mantein no la altera subsidu ne’ebé mak antes ne’e lao ona, tanbá situasaun agora halo ita hasoru hela problema ekonomia lalao halo governu osan laiha atu amenta subsidu.
Fo deit katak, iha momentu klubu 21 husi primeiru divizaun no segundu divizaun hato’o karta proposta ofisial ida Federasaun Fútebol Timor Leste (FFTL) no SEJD atu altera tia subsidu $20 mil hodi hasae ba $ 40 mil ba primeiru divizaun no $ 10 mil ba $30 mil ba segundu divizaun.
Ho proposta ne’e mak husi parte rua la altera, klubu sira husu jogu copa FFTL no Liga Timorense muda fali ba tinan oin.
Tanbá ne’e governante katak, uluk osan iha situasaun sei diak jogu sei lao ho subsidu hanesan ne’e, maibé agora iha resesaun ekonomia osan mos laiha ita atu amenta halo nusa.
“Husi parte governu nia sei mantein ho subsidu antes ne’ebé iha ona no ami sei la altera subsidu refere” relata Abrão ba Desportu.xyz iha palasio do nobre Lahane, Tersa (24/08).
Nia hatutan, tinan hirak liu ba klubu sira halao jogu ho subsidu $20 mil jogu sei lao diak laiha problema, mais agora ne’e fali altera subidu ne’e ho situasaun pandemia covid 19.
Iha antes ne’e mos Sekretario Jeral Federasaun Futebol Timor Leste, Nelio Izaac deklara ona katak, federasaun mantein komprimisiu ida ho governu katak, primeru divizaun mantein $20 mil ba klubu 8, no klubu segundu divizaun 12 ho $ 10 mil.
About Post Author
