DILI – Prezidente Asosiasaun Fútebol Manufahi Arão Noe, husu Ba Federasaun Fútebol Timor Leste (FFTL) labele tau atensaun no fokus liu ba Asosiasaun Iha Dili, tenki tau importante mos ba asosiasaun sira iha munisipiu liu fundus.
“AFM nia sujestaun ba FFTL mak ne’e labele fokus deit ba asosiasaun sira iha Dili, maibé tenki tau importansia mos ba iha Asosiasaun fútebol sira iha munisipiu liu fundus sei lae ami labele bok a’an atu realiza aktividade desportu” informa Arão ba jornalista iha Otel City 8 Manelu foin lalais ne’e.
Nia dehan, agora buat hotu sei sentraliza deit iha nasional, tanbá ne’e nia sujere ba FFTL bele fo programa sira ne’ebé mak bele finansia asosiasaun munisipiu hotu atu nune’e kapasita sira hodi reativa fali atividade desportu nune’e eleva ita nia jogador sira nia kapasidade, se FFTL mak la atensaun ba asuntu ida ne’e ita labele atu komptete iha nivel ASEAN.
Tuir lolos ne’e Asosiasaun sira mos tenki kria liga, maibé asosiasaun sira mos perzisa apoiu finansiamentu husi Federasaun atu nune’e bele hetan konfiansa husi jogador no klubu sira iha munisipiu atu prepara jogador ba futuru.
“Ami husi Asosiasaun Fútebol Manufahi planu ba programa tinan 2021 nian atu realiza tasa AFM nian ba dala tolu iha dia 20 Agostu tinan ne’e ho partesipante hamutuk klubu 11”
Arão haktuir, orsamentu ne’ebé mak ami hetan husi Federasaun kada fulan mil dolar, ho orsamentu ne’e bele finansia deit administrativu.
Foin lalais AFM realiza jogu sub 16 hetan apoiu husi orsamentu husi Federasaun ladun sufseinte, maibé ami amenta tan oituan hodi bele jere jogu ne’e to remata.
Prezidenti AFM relata, husu ba FFTL ne’ebé mak hetan apoiu orsamentu ho montante bot husi FIFA no AFC, se bele ba oin federasaun amenta tan subsidu ba asosiasaun munisipiu sira husi mil ne’e sai ba dois mil atu nune’e sira mos bele bok a’an.
About Post Author
