DILI – Governu liu husi Sekretariu Estadu Juventude no Desportu (SEJD) seidauk iha kompromisiu klaru atu apoiu klubu Lalenok United ba jogu AFC Cup ne’ebé mak sei realiza iha dia 28 Abril 2021.
Relasiona ho difikuldade Klubu Lalenok United atu partisipa iha jogu AFC Cup ne’ebé mak sei halao iha dia 28 fulan Abril 2021.
Tan ne’e iha semana kotuk estrutura klubu Lalenok United ba hasoru malu ho SEJD hodi informa klubu nia difikuldade konaba finansiamentu no rekursu umanu ne’ebé mak klubu infrenta iha jogu AFC Cup.
Hatan ba kestaun ne’e Sekretariu Estadu Juventude no Desportu Abrão Saldanha hatete, SEJD sedauk iha kompromisiu ida atu apoiu klubu Lalenok United, tanba ami sei buka hela dalan oinsa mak atu apoiu difikuldade ne’ebé klubu Lalenok infrenta.
“Seidauk iha serteja lolos apoiu governu nian ba klubu Lalenok United iha jogu AFC Cup, tanba planu osamentu despeza anual ida ne’e la tama iha planu SEJD nian, dehan Abrão ba jornalista iha eis sional SEJD, Tersa (09/02).
Nia informa governu liu SEJD sei esforsu maka’as buka dalan oinsa atu hatene saida lolos mak defikuldade atu apoiu klubu Lalenok agora infrenta hela iha jogu AFC Cup.
Sei governu detekta ona sa difikuldade mak Lalenok infrenta ne’e klubu labele rezolve duni, SEJD no FFTL sei buka dalan no prontu rezolve saida mak problema klubu presiza.
“Hau koalia ona ho prezidente Federasaun Futebol Timor-Leste atu buka informasaun hodi hatene lolos klubu Lalenok nia problema oinsa, atu nune’e husi parte rua nia apoiu bà klubu nia viazen ba jogu AFC cup 2021 ho diak.(Eug).
About Post Author
