Dili – Federasaun Atletismu Timor Leste seidauk bele realiza atividade treinamentu atletizmu hotu tanba situasaun Estadu Emerjensia (EE) dasiak nian tanba Covid-19, nune’e atividade hotu paradu.
Lia hirak ne’e hato’o husi Presidente Atletismu Timor Leste (ATL) Afranio Xavier iha nia knaár fatin, CDTL-Caicoli, Sexta (29/01/2021).
Tui Afranio katak, banhira situasaun normaliza fila fali iha fulan Marsu, mak federasaun kontinua hahú hala’o atividade atletismu hotu.
“Hau haree iha rejiaun ASEAN ninian ne’e, jogu hotu kontinua la’o hela, ne’ebé fulan Fevreiru hanesan ne’e atividade sira ne’e tenki kontinua la’o, tanba tuir informasaun husi komisaun Olímpico ASEAN ninian katak atividade hotu sei la’o normal hela”. Informa nia
Nune’e mós iha tinan ne’e Atletismu sei iha planu balun atu apresenta ba SEJD. “Planu sira ne’e ami hato’o lai ba SEJD mak fó hatene ita bot sira”.
Plano atividade Átletismo nian mós inklui iha laran, tanba atividade atletismu sira hanesan Asean junior sei hala’o iha Gatar, Kuwait, iha mós Olimpico Game ba kampeonato nasional.
Orsamento hein husi SEJD, ne’ebé agora seidauk iha enkontru ruma para rona katak orsamento hira mak atu koloka hodi realiza atividade alto kompetisaun sira ne’e. (Vidal).
About Post Author
