Dili – Klubu 24 dada sorteiu atu partisipa jogu futeból salaun PraLiga sei hala’o abertura iha loron 14 fulan Novembru tinan ne’e.
Tuir sekretáriu jerál Assosiasaun Futeból Salaun Timor Leste (AFTL), Fernando Baptista Xavier iha konferénsia imprensa hateten, husu ba adeptus no amantes futsal sira atu partisipa hodi asiste no apoiu jogu futsal PraLiga ne’ebé sei hala’o iha kampu futsal Fatuhada-Dili, (14/2020).
“Iha klubu 24 mak prontu ona atu partisipa iha jogu PraLiga tinan ne’e, tanba jogu refere hanesan jogu ofisiál iha TL”. Hateten Fernando iha Salaun Xanana Sporting Center, Sabádu (07/11/2020).
Sekretáriu jerál AFTL ne’e mós deklara, bainhira klubu sira partisipa iha jogu refere mak halo sala regras ruma sei foti medidas hasoru sira hanesan selu multa ho koimas ka fó sansaun ba klubu sira.
“Sansaun ne’ebé atu aplika ba sira sei fó tuir eru ne’ebé sira komete, bainhira todan sei fó todan, sekuandu kaman sei fó tuir kaman”. Nia replika.
Nune’e mós, Elizeu Isac husi klubu Maudoco ne’ebé representa klubu 24 mós argumenta, lori klubu hotu nia naran, agradese ba AFTL tanba bele realiza fila fali jogu futsal ho formal ba tinan ne’e.
“Jogu futsal la’os buat foun, tanba jogu ne’e sempre realiza ona, tanba ne’e lori klubu futsal nia naran hakarak husu klubu hotu kontinua mantein di’ak ba malu to’o jogu ne’e remata”. (Vidal).
About Post Author
