DILI – Sekretáriu Estadu Juventude no Desportu (SEJD) reuniaun dahuluk ho organizasaun arte marsiais PSHT, iha loron-08 fulan-Setembru tinan-2020. Reuniaun ne’e hala’o iha sala Reuniaun SEJD, Licidere.
“Polítika ne’ebé VIII governu iha maka bolu re integrasaun grupu arte marsiál ba iha sosiedade no enkuadra sira iha sistema nasionál desportu,” deklara SE Eng. Abrão Nokosiku Saldanha ne’ebé Timor Post sita hosi portal SEJD, tersa (08/09).
Abrão afirma, sorumutu ho PSHT hahú hanesan primeira interasaun ba GAM hodi Introdús ba GAM polítika no programa governu nian ba organizasaun arte marsiál hotu ne’ebé submete iha federasaun silat ninia okos.
Sekretáriu jerál PSHT sente inisiativa hosi SEJD hatudu sinál di’ak atu arte marsiais sira sei hatene sira ninia devér tomak.
“Bolu ami atu envolve atu deside rasik ami nia futuru,” deklara Pedro Aparicio hodi rekoñese prosesu Re-integrasaun arte marsiais iha komunidade nee buat ida importante.
Nia apresia hanoin foun hosi SEJD tanba antes ne’e hanoin sira ne’e la akontese. (augusto)
About Post Author
