‘2024’ TL Sai Uma Na’in Bá Jogu CPLP

August 23, 2022

224 views

DILI-relasiona ho Timor Leste ne’ebé sei sai uma nain bá jogu Comunidade Paises Lingua Portugues (CPLP), iha Tinan 2024.

Tanba ne’e governu liu husi Sekretáriu Estadu Juventude no Desportu (SEJD) konvida Federasaun sira ne’ebé atu Partesipa iha jogu refere atu halo sira nia perparasaun hodi infrenta jogu iha tinan oin.

“Ita hatene katak iha tinan 2022 Timor Leste atu sai uma nain ba jogu CPLP depois akontese Covid 19 entaun mudansa no mos ita prpopoin ba 2022, maibé infelismente muda to’o 2024″dehan Deritor Desportu komunitariu Joao Rodrigues bá jornalista iha SEJD tersa (23/08)

Nia dehan Tanba ne’e fulan outubru agora iha reuniaun ida iha Cabu Verde konaba komferensia Ministro noJuventude Desportu, entaun agora halo fali komfirmasaun ba federasaun sira ne’ebé ba partisipa jogu ne’e liga ba numeru ne’ebé propoin iha 2019,atu nunee ekipa ho SEJD ba halo aprezentasaun iha Cabu Verde para hetan desizaun konfrensia ministru katak iha 2024 modalidade hirak mak atu kompete iha jogu CPLP.

Tanba ne’e mak ohin komfirma ho federasaun sira husi, Atletismu, Taekwondo, Karatedo, ho numeiru atleta ne’ebé mak iha atu kontinua mantem ka oinsá tanba ne’e mak hamutuk ho federasaun sira hodi deside hamutuk hodi ba aprezenta iha Cabu Verde.

Kona-ba Nivel rekursu iha 2022 tau ona orsamentu tanba deside ona katak kada modalidade 9 oinsa kapasidade Timor nian atu organiza ba iha ema sira ne’ebé mak mai 2024 ne’e Timor Leste iha ona kapasidade liga ba alojamentu no alimentasaun.

“Em prinsipiu ita prontu nafatin sai uma nain ba jogu CPLP iha 2024”dehan nia.

Iha fatin hanesan, Prezidente Taekwondo, Gabriel da Costa hatete objetivu hasoru malu SEJD,koalia konaba preparasaun jogu CPLP Ne’ebé mak Timor Leste sei sai uma nain iha 2024.

“Tanba ne’e mak ohin modalidade sira hotu neebe mak atu partisipa iha jogu ne’e rasik, mai iha ne’e hodi identifika ita nia atleta sira ne’ebé mak atu partisipa”katak nia.

Nia hatutan,tanba ne’e mak modalidade Taekwondo identifika ba atleta junior sira deit.

Entretantu Prezidente Federasaun Atletismu Timor Leste Afraino Xavier Amaral hatutan, enkontru nee preleminariu konaba preparasaun ba jogu CPLP.

“Tanba ne’e jogu CPLP ita nia Sekretariu Estadu nia mak lidera emidiata ba Timor sai hanesan uma nain ba realizasaun jogu CPLP,tanba ne’e mak ohin federasaun hotu mai iha ne’e inklui modalidade atletismu”