Dili – Tuir proposta ne’ebé orgun Liga Futeból Timor-Leste (LFTL) hafoin hasoru malu ho Sekretáriu Estadu Juventude no Desportu (SEJD) Abrão Saldanha iha Sexta-feira (29/01) ne’e, husu atu realiza fali fali liga iha fulan Abril tinan ne’e. Tanba durante iha tinan kotuk, liga paradu totál, tanba ho situasaun covid-19.
Tuir governante ne’e, orgaun LFTL mós relata iha fulan Marsu sei iha jogu apuramentu no liga atu hahú iha fulan Abril, maibé parte governu sei avalia tanba situsaun sanitária iha ita nia rain, no oinsa hare m’os ba preprativus sira, antes determina data lolos ba atividade liga nian.
“Ita kontinua la’o atu hahú halo preparasaun, nune’e iha oportunidade ruma bele realiza liga, maibé depende ba kestaun santariu no preparativus”. Nia informa.
Sira hanesan orgaun liga naturalmente sira nia servisu mak prepara kalendariu no planu servisu para situasaun permite bele ezekuta sevisu sira ne’e.
Nune’e mós presidente LFTL, Nilton Gusmão hatutan, hasoru malu ho sekretariu estadu ne’e atu kolia kona ba preparasaun ba liga iha époka tinan ne’e.
Maske ita iha hela situasaun covid-19, maibe kalendaru tentativa ami kontinua hala’o nafatin, se ita nia estadu la dekreta tan estadu emerjensia, entaun hau liga sei realiza iha fulan Abril. Hateten Nilton.
“To’o iha fulan Abril ne’e ita lahatene, saida mak atu akontese, ne’ebé ita hein de’it”.
Atual presidente LFTL ne’e mós husu ba klubu sira nafatin halo preparasaun, tanba parte governu, liu husi SEJD kompremitidu atu apoiu nafatin atividade liga iha timor .
Liga hanesan organizador, ami kompremitidu no preparadu atu organiza eventu ne’e, apartir de Abril bele hahu la’o, maibé hare mos ba situasaun rai laran. (Vidal).
About Post Author
